Dmou3 Lwil - دموع الويل

[اللازمة] (X2)
دموع الويل سالوا على الخذ
كان مكتاب يسيلوا و يكون نهار الأحد
واللي بسبابو سالوا عينو عمرا تشد
هكذا كان مكتاب و القضاء ما يترد

[المقطع الاول]
خرج من الدار بالليل و شعط الباب
بلا ما عارف فين يمشي بين الدروبا ذاب
فظلام الزنقة يعوم و الزناقي بلا حساب
فراسو شلة هموم ، فقلبو شلة عذاب
غاب ، يفتش على السراب
و السراب غير كذاب
قال يمكن نرتاح إذا مشيت حكيت نالصحاب
ظنوا خاب ، لسانو خانو و صحابو بانوا غراب
ما قدرشي ينطق حيت عارف الجواب
عاق بلي عاق و خلى دموع الويل تسيل
من عيون... يا ما سهروا عليه الليل
حس بالي ذنبو ثقيل
بلي عقابو الويل
بلي حتى جميع كفوف الخيركفة ذنبو تميل
سقى بدموعو الأرض اللي عليها زاطم
لصحاب ما فهموا والو
و هو نذنبو كاتم
خلاوه بوحدو يبكي
و ربي هو اللي العالم
دموع الويل تسيل و هو واش نادم؟

[اللازمة] (X2)

[المقطع الثاني]
دموع الويل تسيل و السخط نازل
باقي يحرق فالدخان باقي حاسب راسو راجل
باقي تالف بين ندم و غنان
باقي ما بغى يتنازل
باقي حاصل فالويل
قال بغيت ننسى
الشيطان بينلو يسكر
هو ماشي زوبرو أذان الفجر
ما قدرشي يكمل و جلس فباب الجامع
الناس يقراو الحزب و هو منمل سامع
بدا يطلع الصباح
ماشي فدرب طويل سمع الكلب ينبح
ملي قرب لحمو تشوكت
شاف كيف القطة من أجل ولادا تموت فنياب الكلب
إنسان و دا العبرة محيوان
حس بالذنب و جرى و الدموع تقطر
يطيح و ينوض يطيح و ينوض قاصد الدار
باغي يوصل و يطفي النار
ما كانشي عارف باللي... زبقاتو الأقدار

[اللازمة] (X2)

[المقطع الثالث]
وصل نالدار و دق
يما افتح الباب
أنا ولدك ، كبدة ديالك جيت باغي رضاك
أنا طرف من لحمك و عارف القلب اللي ربي عطاك
يما مربياني و عارفة ما نخطاك
ما نقدر على السخط ما مقد نعيش مسخوط
جيت أ يما نادم و حقك فوق راسي محطوط
يما افتح الباب يما رد عليا
عارفك فايقة عارفك ما تنعس بلا بيا
غلطت فحقك ذنب كبير و طامع تسمحلي
افتح أيما الباب و ارضي عليا و دموعي امسحلي
يما فيا البرد فيا الجوع
يما رد عليا شعند الحس مقطوع
إذا ما ديتشي رضاك را ما عمري نشوف الجنة
يما ، راك أم و الأم رمز المحنة
باش يكون مصيري الويل محال تخليه يكتاب
يما... يما افتح الباب

[المقطع الثالث]

[الخرجة]
دموع الويل سالت، و الأم ماتت
و هادي عبرة لأي واحد عاق بالوالدين
الله يسمحنا من حقم
دايمان، الأم كلمة ساهلة غير بالفم