Khabar kana

"كلمات سعاد ماسي "خبر كان
Paroles de Souad Massi "Khabar kana"

[المقطع الأول]
الطريق مزالها طويلة وأنا عييت
حاجة ما جاتني ساهلة كيما تمنيت
هاذي حالتي من بكري
والوقت راح يجري
خايفة من الي راه يستناني
خايفة من اللي راه يستناني
خطوة بخطوة للقدّام
ما رانيش حابة نخمم
ما لازمش نحبّس
يا لوكان دقيقة
ذيك الدقيقه تقتلني
ذيك الدقيقه تقتلني

[اللازمة]
وإذا سقساوك عليا الي يكرهوني
قوللهم بلا ما تخبي: حتى خبر ما جانا
وإذا سقساوك عليا الي يحبوني
قوللهم بلا ما تخبي: راني في خبر كان
وإذا سقساوك عليا الي يكرهوني
قوللهم بلا ما تخبي: حتى خبر ما جانا
وإذا سقساوك عليا الي يحبوني
قوللهم بلا ما تخبي: راني في خبر كان
خبر كان، خبر كان

[المقطع الثاني]
نشوف للناس غير بالتخبية
كي الوقت يدير فيا مزية
كاين الي فرحانة
و كاين الي كيما أنا
تبكي و تعاني بالتخبية
تبكي و تعاني بالتخبية
طيحة و نوضة واتعلمت
وعرفت واش نسوا كي ساومت
كامل واش بنيتو
وشقيت باش عليتو
في رمشة عين راح مني
هاذ الدقيقة تقتلني

[اللازمة]
وإذا سقساوك عليا الي يكرهوني
قوللهم بلا ما تخبي: حتى خبر ما جانا
وإذا سقساوك عليا الي يحبوني
قوللهم بلا ما تخبي: راني في خبر كان
وإذا سقساوك عليا الي يكرهوني
قوللهم بلا ما تخبي: حتى خبر ما جانا
وإذا سقساوك عليا الي يحبوني
قوللهم بلا ما تخبي: راني في خبر كان
خبر كان، خبر كان