Harlem (Freestyle)

[Testo di "Harlem (Freestyle)"]

[Strofa 1]
Impennano 'ncopp'ô rettifilo fino 'a ferrovia
Chiste mettono seje chile 'int'ê spurtielle 'e nu tassì
Ma qualu Tik Tok, je m'arricordo 'e Tic Tac
'A sensimiglia 'int'ê pacchette
'o fummo 'int'ê schedine d''o Totip
Nun ce steva ancora 'a Champions League
E nemmanco Dawson's Creek
Site 'e figlie 'e Peppa Pig
Buco 'a rota senza cric
'A 500 'int'ô cartiello ncoppa Santu Rocco
Sfunnammo 'o vetro c''o martiello
Chisto ha 'itto ca c'abbocca
Un, doje, tre check
Mille euro 'int'ô cappiello
Mic check
S'è appicciato 'a robba, stuta 'stu cazzo 'e furnello
E mo te vuttе a fa' 'e rapine o te futtе ch''e medicine
Staje parlanno ch''e faccine, v'appicciasso c''a benzina
Vuò na stanza chiena 'e scarpe o na stanza chiena 'e serpe?
Va luntano quando è troppo 'a chi te vò fa' sentì in colpa
E probleme 'int'ô vassoio, ognuno tene 'e suoje
Si ma vallo a raccuntà a chi 'e tene peggio d'' tuoje

[Interludio]
Vai, Fedè, nun 'o fermà

[Strofa 2]
'A famiglia a mia 'e me nun sape niente
L'unica ca sapeva m'accarezza dint'ô viento
Si tengo ancora 'e forze e stongo ancora allerta
È solo pecché 'a musica ha rimasto 'e porte aperte
'A famiglia mia è cristiana e nun vò sentì 'e jastemme
Ma s'ammocca tutt''e strunzate d''e giurnale e d''o guverno
'O Papa ha fatto chesto, 'o ministro ha 'itto chesto
'O diavolo veste Prada e 'a dummeneca dice 'a messa
Tu dimme che vuò sentì nu disco che parla 'e l'euro
O uno ca 'ncopp'ô beat a 'sti scieme 'e manna â neuro
Tu dimme che vuó vedè nu Porche, nu Ferrari
O uno ca cu 'sta robba  piglia 'o core e t''o regala
Fratemo, comme staje? Tutt'a posto? Che se dice?
Pe cient'anne, ammò, ca 'a Madonna te benedice
Chiste parlano c''o T9 e nun penzano na parola
Chiste penzano c''o cazzo e nun pesano na parola
Nun respiro cchiù e nun ce veco cchiù
(Nun ve sento cchiù e nun ve veco cchiù)

[Outro]
'A vita mia è nu film e nun è fernuto ancora
'O stile dint'ê sacche e mmocca tengo 'a Glock
Chi 'o sape che è succiesso, che c'è venuto 'ncapa
Chisto fa' l'offeso, 'o fra', ma chi te caca?
'A vita mia è nu film e nun è fernuto ancora
'O stile dint'ê sacche e mmocca tengo 'a Glock
Chi 'o sape che è succiesso, che c'è venuto 'ncapa
Chisto fa' l'offeso, 'o fra', ma chi te caca?