Er Nu Film

[Testo di "Er Nu Film"]

[Strofa 1]
E dint'ô stereo sunava Biggie Small
Ma 'st'ammore po' era rock 'n' roll
Stevemo sule pure 'mmiezz'â folla
Ce chiudevemo dint'a na bolla
E nisciuno ce puteva capì
E nisciuno ce puteva sentì
Je alluccavo forte e allora sì
Che vale 'a pena 'e vivere e suffrì
E m'hê futtuto quando aggio visto chelli lacreme finte
Era sulo na mossa pe trasì cchiù dinto
Pe'mmé 'e mazzate erano 'e scontre, manganielle e cintе
M'hê fatto senza trucco e senza cigliе finte
E tu giuraste a Dio 'o centro d''a città
Ca cercave na storia fatta 'e sincerità
Tu ca sunnave 'a famiglia, vulive verità
Senza pistole e curtielle m'hê fatto 'o core a mità

[Pre-Ritornello]
E nun hê fatto niente 'e chello che dicive
E nun sî stata niente 'e chello che dicive
Aggio jettato 'a capa e m'aggio fatto male
C''o core chiuso a chiave, ritorno punto e a capo

[Ritornello]
E t'arricuorde quando facevemo matina
'mbriache a San Martino
Era nu film e nun ce serveva niente
E t'arricuorde quando cu ll'uocchie e 'o core chino
Na birra e na panchina
Era nu film e nun ce serveva niente

[Strofa 2]
Ognuno tene 'a storia soja fatta 'e paura e paranoie
E tagliano comme nu rasoio e niente 'e pò cancellà
L'ammore troppo spisso te leva 'a libertà
E tu saje buono ca 'o passato torna e nun perdona
E si staje core a core, nun porta niente 'e buono
'E regale 'e Natale, 'e scarpe d''a Dior
'O prufumo 'e Chanel, 'e bucie nun 'e cummoglie
'O sesso dint'â machina jettata 'mmiezz'â via
Nu misto 'e violenza, passione e pucundria
Na vita fatta 'e raggia che addeventa malatia
E tu 'isse ditto "sì" pure annanze a Dio

[Pre-Ritornello]
E nun hê fatto niente 'e chello che dicive
E nun sî stata niente 'e chello che dicive
Aggio jettato 'a capa e m'aggio fatto male
C''o core chiuso a chiave, ritorno punto e a capo

[Ritornello]
E t'arricuorde quando facevemo matina
'Mbriache a San Martino
Era nu film e nun ce serveva niente
E t'arricuorde quando cu ll'uocchie e 'o core chino
Na birra e na panchina
Era nu film e nun ce serveva niente