Habang Natutulog

[Verse 1]
Habang ikaw ay natutulog
Ako naman ay nagising
At naupo sa may bintana
At nakisama sa 'yong paghimbing
Sarap mong lambingin
Lalo na't madilim-dilim
Habang ika'y natutulog

[Verse 2]
Inaantok ang umaga
Ayaw bumangon, tinatamad
Ikaw naman ay nananaginip
Sa mga ulap ay lumilipad-lipad
Saang langit napadpad
Nais kong sumabay
Habang ika'y natutulog

[Verse 3]
Kaibigan, kasama
Kahati, kabiyak
Sa luha't halakhak
Kapiling, kasiping
Umaga na, mahal
Sa silid ng pag-ibig ko

[Verse 4]
Tahanan, silungan
Supling at kapatid
Kaakbay at kaakay
Karamay sa buhay
Umaga na, mahal
Sa silid ng pag-ibig ko