關於英雄 (About Heroes) (Live at Hong Kong Coliseum 2017)

[達明一派「關於英雄 (Live)」的歌詞]

[讀白]
我重未冧嘅，我重喺度。*觀眾歡呼*
啊，其實呢幾日呢，大家都係係咪冇心離開或者嚟睇演唱會，因為大家都掛住，掛住選舉吖嘛？掛咩呢？*笑聲* 你哋都冇票！*觀眾歡呼* 瞓醒咗，就知道聽日邊個係我哋嘅未來特首。*觀眾噓聲* *笑聲* 然後， 啫係呢啲大鑼大鼓呢啲做到真係假戲真做噉樣呢。*笑聲* 我覺得，欸，選出嚟嗰個人呢其實唔係一個賜畀我哋幸福嘅人。頭先我都講過，幸福係要我哋雙手自己去創造，自己去尋找嘅。其實，使乜等到聽日啊？我哋嘅社會已經撕裂咗好耐，其實世界都係。Umm，歐洲、美國，吓都——都搞成噉吓。我哋嘅世界其實係越嚟越撕裂，越嚟越分開，越嚟越多圍牆。Umm，我哋嘅世界其實，umm，係要每一個人一齊去拆呢一埲圍牆。所以，聽日選到邊個，嗰個唔係你心目中嘅英雄。因為呢個世界其實係唔需要英雄，因為呢個世界其實係需要我哋每一個人都係英雄。
我記得喺，umm，David Bowie喺七十年代冷戰嘅時候呢，喺東柏林西柏林嗰度呢，佢成日喺度——啫係喺度錄音㗎。噉喺西柏林寫咗一首歌，係講關於圍牆之下嘅一對戀人。然後佢喺十年之後嘅1987年，佢呢就係喺，啊西柏林嘅圍牆嘅旁邊，演唱咗呢一首嘅啊〈Heroes〉。佢係——啲喇叭呢係對住曬圍牆嗰邊嘅東柏林。呢一首歌激發咗好多人嘅人心，亦搞起——搞咗好大嘅騷動喺東柏林。然後冇幾耐，兩年之後89年，圍牆就倒下啦。
我覺得，所有渴望自由嘅人都係英雄，唔係投票選出嚟嗰個。投票選出嚟嗰個，我哋繼續去監察佢有冇行差踏錯。*觀眾拍手* 記住，我哋唔需要英雄嚟拯救我哋，我哋需要每一個人都成為英雄救自己。*觀眾拍手*