Esu krank wie ich ben

Esu krank wie ich ben
Möt ich ald längs om Kirchhoff lijje
Ävver Jefzäng wie mir
Die sin nit kapott zu krijje

Haste jesehen wie schlech ich jehen kann
Du weiß ja, ich bin janz arm dran
Am janxe Liev deit et mir wieh
Jo su wie fröher es dat all nit mieh

Wat? Du bes unger d'r Laster jekumme?
Och, dat es nit esu schlimm
Aber hör emal - ich han Ping
Do sät doch dä neue Doktor für mich
Dä blöden Hund, "Gnä Frau, se sin känjesund!"

Esu krank wie ich ben
Möt ich ald längs om Kirchhoff lijje
Ävver Jefzäng wie mir
Die sin nit kapott zu krijje

Häste dat vum Essers Marlies mitjekräch?
Dat hät sun neumodische Krankheit
Ich mein, et will sich jet interessant maache
Nich, daß mich das stören würde
Ävver, is doch nit normal
E halv Johr em Krankehuus
Un op Schieve jeschnidde
Do kummen se all an, do sin se all do
Ävver, ävver wie et mir jeit
Wie dreckich et mir jeit
Do fröch kein Sau noh

Denn esu krank wie ich ben
Möt ich ald längs om Kirchhoff lijje
Ävver Jefzäng wie mir
Die sin nit kapott zu krijje

Ach, die Aufrejung, die deit mir janit jot
Ich jläuv ich muß mich jet läje, mir es et janit jot
Jetz weed et m‘r doch e bissje bang
Ich jläuv, ich maach et nit mieh lang

Wat säss do? Ich söch bombich us?
Un dat m'r keine Doktor rofe muß
Öm mich he en ener Kess erus ze drage
Do möht m'r ald met d'r Schöpp dropschlage?

Denn esu krank wie ich ben
Möt ich ald längs om Kirchhoff lijje
Ävver Jefzäng wie mir
Die sin nit kapott zu krijje