Anita

Endlich hammer Frühling, d'r Mai es jekumme
D'r Jupp hevv janz hösch d'r Kanaldeckel op
D'r Breefdräjer süht de Latän ze spät kumme
Die Junge am Büdche, die weede beklopp

Oh, do kütt et Anita
Winter ade, un mir hüre de Maijlöckche lügge
Oh, hallo Anita
Mir han Pudding em Knee
Wenn du die Zülpicher Stroß erav jeis

Du spürs all die Auje, doch deis de als wör nix
Em Schaufinster kontrolliers du dinge Jang
Dat Fleute am Büdche, dat weed immer lauter
Un en dinger Blus fängk et Hätzkloppe an

Oh, do kütt et Anita
Winter ade, un mir hüre de Maijlöckche lügge
Oh, hallo Anita
Mir han Pudding em Knee
Wenn du die Zülpicher Stroß erav jeis

D'r Breefdräjer köhlt sich noch immer sing Höönche
Do küss de zeröck, ding zwei Pänz an d'r Hand
Kanaldeckel's Jupp es noch immer am dräume:
"Anita, hätt ich dich doch fröher jekannt!"

Oh, do kütt et Anita
Winter ade, un mir hüre de Maijlöckche lügge
Oh, hallo Anita
Mir han Pudding em Knee
Wenn du die Zülpicher Stroß erav jeis