Ds Portmonnaie

[Strophe 1]
S'het einisch eine son es fürnähms Portmonee gchouft
Das ihm kes Gält meh bliben isch für dry
Hets müessen antiquarisch
Ytuusche gäge Bar, isch
Du ermer weder vorhär dranne gsy

[Strophe 2]
Är het jitz wider Gält gha aber nümme glych vil
Und ou kes Portmonee fürs dryztue meh
Und was ne bsunders gfeckt het
Isch dass's jitz nümme greckt het
Für son es schöns wi dises eis wär gsy

[Strophe 3]
Är het sech gseit: «Henu es tuets es Eifachers!»
Und für nes Eifachs hets no glängt grad juscht
Är het eis gchouft doch är isch
Wils nüt nützt wen es läär isch
S'du wider ga verchoufe mit Verluscht

[Strophe 4]
Jitz het er dänkt: «Abah, me cha ja ds gält schliesslech
Ganz eifach in es Gabatruckli tue!»
Und chouft es truckli Gaba
Laht d'Gaba ds sänkloch aba
Und dasmal blybt es Füfzgi no derzue

[Strophe 5]
Är tuet das Füfzgi dry und dänkt: «Das truckli isch zwar
Kes fürnähms Portmonee, das gwüss nid, nei
Doch ischs ou süsch ke Gwinn halt
So hets doch jitz en Inhalt!» –
Und fahrt vergnüegt im Tram für ds Füfzgi hei