Ds Nünitram

[Strophe 1]
Geschter z'Nacht het ds Nüünitram statt hei i ds Depot z'gah
Plötzlich, niemer weis warum, sys Schinegleis verla
Isch zum Himel ufegflogen und dert natina
I dr Nacht verschwunden ohni Spure z'hinderla

[Strophe 2]
Sibe Hünd hei kläglich gjoulet grad wo das isch gscheh
Und e chalte Windstoss isch dür d'Monbijou-Allee
Und s'het e Betrunkne wos als einzige het gseh
Dür die lääare Strasse brüelet: «Oherjeminee!»

[Strophe 3]
Das het amne Polizischt wo dert zur Stell isch gsy
Hüenerhut ygjagt, dass är es Ei het gleit derby
Und e Frou het tänkt: «Wie nützlech doch die Tschugger sy!»
Het ds Ei gno und's bräglet bis's es Stierenoug isch gsy

[Strophe 4]
Doch dr Stier isch us dr Pfanne drusbrönnt und dervo
D'Frou het afa brüele, lut und Zetermordio
Bis dr Stier sech in es Tram verwandlet het und so
Uf de Gleis isch wytergfahre gäge ds Tramdepot

[Strophe 5]
Druf ischs wider stiller worden und de schliesslech Rue
Ds Nüünitram isch hinden um e Rank em Depot zue
Eine het no grüeft: «I pfuuse, blaset mir id Schue!»
Und dir heit jitz vo mym Gschichtli sicher alli gnue