Bituing Marikit

[Verse 1]
Bituing marikit sa gabi ng buhay
Ang bawat kislap mo'y ligaya ang taglay
Yaring aking palad iyong patnubayan
At kahit na sinag ako'y bahaginan

[Verse 2]
Natanim sa puso ko yaong isang pag-ibig
Na pinakasasamba sa loob ng dibdib
Sa iyong luningning laging nasasabik
Ikaw ang pangarap bituing marikit

[Verse 3]
Lapitan mo ako halina bituin
At ating pag-isahin ang mga damdamin
Ang sabik kong diwa'y huwag mong uhawin
Sa batis na iyong wagas na paggiliw

[Verse 4]
Lapitan mo ako halina bituin
Ating pag-iisahin ang mga damdamin
Ang sabik kong diwa'y huwag mong uhawin
Sa batis ng iyong wagas na paggiliw