​alalahanin

[Verse 1]
Alalahanin
Ang mga pangako
Na aalagaan kita
‘Di ko babawiin
Ang iyong binilin
“Anak, ayokong mapag-isa”
Kung maglaho ang
Mga alaala
Hindi kita ipapahiya

[Verse 2]
Alalahanin
Ang iyong hangarin
Na hindi ako bibitaw
At mananatiling
Nakakapit sa’tin
Hindi ko sasayangin ito
Dadalhin ang ating
Mga pinangarap
Mapapagmalaki na kita

[Chorus]
‘Pag nanghina ang iyong katawan
Aalayan ka sa bawat hakbang
Kung paulit-ulit man magtanong
Sasabihin ang sagot pabulong

[Verse 3]
Alalahanin
Ang pinag-usapan
Na tibayan aking loob
‘Di kakalimutan
Ang iyong sinabi
“Anak, ayokong mauna ka”
Sa kinabukasan
May panghahawakan
Hindi ka mababalewala

[Chorus]
‘Pag nanghina ang iyong katawan
Aalayan ka sa bawat hakbang
Kung paulit-ulit man magtanong
Sasabihin ang sagot pabulong
At pagsapit ng iyong pagtanda
Gagawan kita ng bahay mo na
Dati mo pa na ipinagdarasal
Habang-buhay kang ipaparangal

[Outro]
Kahit saan
Hindi kita iiwan
Walang makakapantay sa ’yong mga binigay