Quannu Diu s’avia ncarnari

[Testo di "Quannu Diu s'avia ncarnari]

Quannu Diu s'avia 'ncarnari
Mannà l'Angilu Gabrieli
A Maria l'hâ salutari
La Reggina di li celi
Quannu l'Angilu scinni jusu
E guardau 'ddu beddu visu
Arristau tuttu cunfusu
Si scurdau lu Paradisu
Cci cumparsi intra nenti
E ddà cc'era un pellegrinu
Cu 'sta nivi e friddurati
Unni iti bona genti
'Itivinni a 'dda contrada
Cc’è 'na grutta arriddussata
Cc’è la paglia e l’addumati
Risturati 'sta nuttata
San Giuseppi caminava
Tra muntagni e voschi oscuri
San Giuseppi e la Madonna
Arriddutti a li fridduri
San Giuseppi caminava
E la redina tirava
La tirava curta curta
E traseru 'nta la grutta
Sennu dda Maria arrivata
Vitti un voi e 'na mangiatura
Du' armaluzzi a la scurata
Pocu fenu e pagliatura
Parturiu 'na gran Signura
Senza dogli e né dulura
'Iti a Gesù bammineddu
'Nmezzu 'u voi e l’asineddu