Zwesche Kölle un Bonn (Bornheim)

[Songtext zu „Zwesche Kölle un Bonn (Bornheim)“]

[Strophe 1]
Ich ben dä nette Kofens, Hans-Diete
Un ming Frau es et nette Kofens, Rita
Minge Schworer es em Dorp he dä Metzje
Bei däm hält jede he bei uns jään e Schwätzje
En Walleberberch un Mierten es et su schön
Uns janze Dörpe he sin sauber un jrön
Doch manchmol weede mir nit janz ähnz jenumme
Nur weil mir us däm schöne Vürjebirch kummе
Doch wills de uns in Bornheim richtich joot verstonn
Dann muss dе met uns ens e Bier he drünke jonn

[Refrain]
Zwesche Kölle un Bonn
Bliev de Zick schon ens stonn
Zwesche Bonn un Kölle
Jitt et vill zo verzälle
Vun Waldorf bis Brenich
Sin de Lück sich all ähnlich
Jo, et es schön, he em Vürjebirch zo stonn
Zwesche Kölle un Bonn

[Strophe 2]
He nevvenaan, wo ming Äldere wuhnte
Wuhnt unsre Bäcke, dat es minge Fründ Jünthe
Mer sin em Jungjeselle- un em Maiverein
Bei uns em Dörp, do föhls de dich nie allein
Uns Dorfkneip, die jehürt zick Johre däm Weebe
Dat es dä Onkel vun däm alhle Breuers Pete
Un wenn et aan d'r Thek ens dicke Backe jitt
Es miestens minge Brode, et Rüdije nit wigg
Bei uns en Bornheim kräht dä Hahn un uch et Hohn
Un wenn mer wulle, luure mir uch bes zom Dom, hihi

[Refrain]
Zwesche Kölle un Bonn
Bliev de Zick schon ens stonn
Zwesche Bonn un Kölle
Jitt et vill zo verzälle
Vun Waldorf bis Brenich
Sin de Lück sich all ähnlich
Jo, et es schön, he em Vürjebirch zo stonn
Zwesche Kölle un Bonn (Zwesche Kölle un Bonn)
Zwesche Kölle un Bonn (Zwesche Kölle un Bonn)
Bliev de Zick schon ens stonn (Bliev de Zick schon ens stonn)
Zwesche Bonn un Kölle (Kölle, Kölle)
Maach mer dat, wat mer wille
Vun Hersel bis Hemmerich (Hemmerich, Hemmerich)
Sin de Näächte lang un fürchterlich (Fürchterlich, fürchterlich)
Doch et es schön, he em Vürjebirch zo stonn
Zwesche Kölle un Bonn (Zwesche Kölle un Bonn)