Zaret 2amal ذرة امل - EG& MCflash

[EG : المقطع الأول]
22 سنة هو عمري لسة بدري
حياتي بتبتدي زي صاحبي في نفس سني
تعب طبيعي جالي مرة واحدة غصب عني
ووصف حالتي اني عندي سرطان جوا دمي
صدمة رهيبة من الذهول مقدرتش تاني افكر
معنوياتي محطمة تحت الصفر واكتر
امل شفائي من المرض نسبة 5%
ممنوع عليا كل حاجة مع رعاية طبية
ابدأعلاج كيماوي هد حيل بمعني الكلمة
شعري بيقع شكلي اختلف مع جلسة ورا التانية
الم رهيب لا يحتمل في كل حتة في جسم
بعدين جلسات اشاعة نسيتي حتي اسمي
فضلت اهرب من ده كلة باني اكتب واغني
ادي الامل لحد غيري وتعبة نفس تعبي
عشان تتغلب علي المرض لازم تفضل مكمل
ازرع فى نفسك الامل هترجع زي الاول

[mc flash : اللازمة]
كل يوم بيعدي بحاول ابقي مبسوط
خايف من المستقبل صاحي او نايم مهموم
حبيت الدنيا بس من حب الدنيا محروم
هواجهة المرض بالامل عشان من تاني اقوم

كل يوم بيعدي بحاول ابقي مبسوط
خايف من المستقبل صاحي او نايم مهموم
حبيت الدنيا بس من حب الدنيا محروم
هواجهة المرض بالامل عشان من تاني اقوم

[MC Flash : المقطع الثاني]
بسبب العلاج شكلي بقي متغيير
سمعت ناس بتسخر
وناس تانية بتهزر
وانا ماشي حزين بسبب مرض متأثر
حواليا ناس كتير بس جوايا متغرب
خايف اقابل حد خايف اعمل صحاب
عايش
صامت مخبي جوا قلبي اسرار
بقارن نفسي بلماضي
نفسيارجع من تاني
نفس الناس تعاملني كاني انسان عادي
نفسي احب بس المرض بوظ فيا ثقة نفسي
زهقت من نفسي بقالي كتير ماشي لوحدي
بدعي كل يوم عشان قلولي ده ابتلاء
يارب احميني صبر اهلي عجل فيا الشفاء
شايف صورة ليا بس الوقت مرتبط ب الامل
ازاي احلم؟ ازاي اضحك ؟ وانا جوا المرض معتقل
لحد ما ذرة امل قوتني خليتني انتصر
حاربت المرض و الحياة في دمي بتنتشر

[mc flash : اللازمة]
كل يوم بيعدي بحاول ابقي مبسوط
خايف من المستقبل صاحي او نايم مهموم
حبيت الدنيا بس من حب الدنيا محروم
هواجهة المرض بالامل عشان من تاني اقوم

كل يوم بيعدي بحاول ابقي مبسوط
خايف من المستقبل صاحي او نايم مهموم
حبيت الدنيا بس من حب الدنيا محروم
هواجهة المرض بالامل عشان من تاني اقوم

[EG-نهاية]
الاغنية دي اهداء لكل مرضي السرطان الي بيحاربوا ولسة عندهم امل