Zahab w Aawda - ذهاب وعودة

[اللازمة]
أطرافي نملت، من البرد مش بترعش
مستني خبر حلو، مستني خبر وحش
جايلي إحساس إن دي نهاية الفصل
مستني السما تعيط، مستني جنب النهر
مستني الخبطة ولأ ماليش في علم الغيب
مستني الخبطة ومش بإيدي شيء
ناس مستنياني أديهم حاجة مش عندهم (آه)
في راسي المينا مليانة سفن (آه)
والرجولة مش هواية
ناس مستنياني أديهم حاجة مش جوايا (إيه)
لحد إمتى تنكر؟
لما الحيطان تضيق وستارة المسرح تنزل

[المقطع]
بلبس الساعة في إيدي الشمال
بلبسها للشكل، مش فارقلي الساعة كام
بلاش تكلمونا، بلاش تعلمونا
هنمسح المعلومة، دماغ ما فيهاش مرونة
‫خدنا الطريق في Minute
‫ذهاب وعودة في Minute
ذهاب وعودة ولسه فيش أي حاجة إتحسنت
إدي الحاجات وقتها، إدي العيش لخبازه
فين الأبطال؟ فين التكافؤ؟
فين المنافسة؟ بسلّك بيها سناني (إيه)
العالي يقعد بس مع العالي
برمي الشبك وأرضى بالرزق في نهاية السنة
خايف رجلي تركب الهوا تهد اللي إتبنى
شايفينها سبق، أنا شايفها رواية
بتغير الألوان، بغير الزوايا
أعملها أنا معاك، ما تقدرش تعملها معايا
باصص في الخريطة ومش لاقي نقطة بداية
عينينا ياما شافت، العضم هنا ناشف
غطّسنا الهموم في بحر مالح، باشت
إيه العمل؟ نتفادى الوحدة بأي تمن
ماشي عكسي في دماغي يمكن يرجع الزمن
تاني نكنسل على الواقع لما ينادي
تمانية في المية وضباب في الصدر ليلاتي
من غير المسكن ببدأ أسرح في البلاوي
محكمة في الجمجمة، أنا القاضي وأنا المحامي
ذهاب وعودة وأنا لسه واقف
في الجيوب بواكي
في العيون كواكب
في الدماغ تردد
في الطريق حواجز
في المجال أوائل (إيه)

[اللازمة]
أطرافي نملت، من البرد مش بترعش
مستني خبر حلو، مستني خبر وحش
جايلي إحساس إن دي نهاية الفصل
مستني السما تعيط، مستني جنب النهر
مستني الخبطة ولأ ماليش في علم الغيب
مستني الخبطة ومش بإيدي شيء
ناس مستنياني أديهم حاجة مش عندهم (آه)
في راسي المينا مليانة سفن (آه)
والرجولة مش هواية
ناس مستنياني أديهم حاجة مش جوايا (إيه)
لحد إمتى تنكر؟
لما الحيطان تضيق وستارة المسرح تنزل