Yefout El Omr - يفوت العمر

[المقدمة]
خلاص هتشوفوا حد شيطان
يفوت العمر ع العكاز
بدل جزمة تاخد خمسة

[المقطع الأول]
وبما إن قلوبكم دي عايزة تترمي في بنزيمة
وتتفجر باللي فيها عشان ما نشوفش أشكالكوا
ده ياما ضحيت كتير وجريت عشان ألحقكوا من الأزمة
وأديني أخدت بالجزمة عشان تاني مرة أصدقكم

[اللازمة]
خلاص
خلاص هتشوفوا حد شيطان
في بحر أنا اللي فيه سلطان
هخدكوا بإيدي للغرقان
وهبكي بس أنا الفرحان
ومين
مين اللي في مرة كلمني
وقال فيك حاجة طمني
بتيليسكوب أنا شايفكوا وإنتوا بتخلصوا مني

[المقطع الثاني]
هعيش وأموت أنا المقصود وليه حاطني في دماغهم
ولو قصدوني هسندهم لكن بعديها همشي بعيد
أنا كل أما بتقدم يشدوني لآخر صف
وأجي أعافر ألاقي ١٠٠ كف
وشايف الغل أنا في عينهم

[اللازمة]
غموض
غموض وبقيت بحب الليل
وهظهر للي خان العيش
وأقوله فاكر زمان يا زميل
ليه وشك كله جاب ألوان
وجع
وجع عمال أحارب فيه
سبب صاحبي اللي عشت أراعيه
في عربون جاله من الأخصام
وحضرني وراح سابني

[المقطع الثالث]
ده عيب فيهم عشان أفهم ولا العيب ده بقى فيا
ليه كله نسى إن فيه صحوبية
وماشي يدوس في خلق الله
في عرض جديد وعليه سيل
تخون صاحبك عشان أنثى
بدل جزمة تاخد خمسة
وملعون أبو دي دنيا

[اللازمة]
يفوت
يفوت العمر ع العكاز
في كلية وجيش وجواز
نفس طالع وداخل غاز
بموت في اليوم ٢٠٠ مرة
بعيد
هبعد وأهج ع الأدغال
هلاقي هناك في راحة بال
وألاقي الحال أحسن من الحال
وأعيشها بحلوة أو مرة