Yawm Elly Meshy - يوم اللي مشي

[المقطع الأول]
يا ريته يوم اللي مشي
ع السكت وقتها وما حكي
قلي شي، أي شي
كان أهون عليا كتير
ما بده يسمعني حكي
يجرح إزعل أو إشتكي
ويلمح بعيوني بكي
ما هو طول عمره كبير
ما بده يجرحني
فكره بيريحني
أو فكره يفرحني، أناني
قاسي لكن عنده ضمير

[اللازمة]
أي دمع وأي نار
أي هم شو ما صار
أهون عندي يطل نهار
وما إقدر أحكيله
يا ريته بيكذب ويضل
أحلى ما يصدق ويفل
ولا أشعر لحظة بيمل
وحبي ما بيعنيله

[المقطع الثاني]
يا ريته بكلمة قسي
عليا، أو كلمة نسي
يا زورق ما عمره رسي
يا بحر وما عنده غريق
تركني ومشي ع الهدا
كأنه ما ودع حدا
يا صوت اللي ما رجع صدا
يا رحلة وما إلها طريق
إبقى حد ما بده
بده يبقى لوحده
يجرح قلبي بورده، أناني
يمحي عمري ومني بريء

[اللازمة]
أي دمع وأي نار
أي هم شو ما صار
أهون عندي يطل نهار
وما إقدر أحكيله
يا ريته بيكذب ويضل
أحلى ما يصدق ويفل
ولا أشعر لحظة بيمل
وحبي ما بيعنيله
أي دمع وأي نار
أي هم شو ما صار
أهون عندي يطل نهار
وما إقدر أحكيله
يا ريته بيكذب ويضل
أحلى ما يصدق ويفل
ولا أشعر لحظة بيمل
وحبي ما بيعنيله
أي دمع وأي نار
أهون عندي يطل نهار
وما إقدر أحكيله
يا ريته
ولا أشعر لحظة بيمل
وحبي ما بيعنيله