Yalmidan - يا الميدان

[المقطع الأول: أمير عيد]
ياه يا الميدان، كنت فين من زمان
معاك غنينا ومعاك شقينا
وحاربنا خوفنا ودعينا
إيد واحدة نهار وليل
ومفيش معاك شئ مستحيل
صوت الحرية بيجمعنا
خلاص حياتنا بقى ليها معنى
مفيش رجوع، صوتنا مسموع
والحلم خلاص ما بقاش ممنوع

[المقطع الثاني: عايدة الأيوبي]
ياه يا الميدان، كنت فين من زمان
هديت السور، نورت النور
لميت حوليك شعب مكسور
إتولدنا من جديد وإتولد الحلم العنيد
بنختلف والنية صافي
أوقات الصورة ما كانتش واضحة
هنصون بلدنا وولاد ولادنا
حق اللي راحوا من شبابنا

[اللازمة]
ياه يا الميدان، كنت فين من زمان

[المقطع الثالث: أمير عيد وعايدة الأيوبي]
معاك حسينا وإبتدينا
بعد ما بعدنا وإنتهينا
لازم بإيدينا نغير نفسينا
إديتنا كتير والباقي علينا
ساعات بخاف تبقى ذكرى
لو نبعد عنك، تموت الفكرة
ونرجع تاني ننسى اللي فات
ونحكي عنك في الحكايات

[اللازمة]
ياه يا الميدان، كنت فين من زمان

[المقطع الرابع: أمير عيد وعايدة الأيوبي]
ميدان مليان أنواع
اللي بايع والشجاع
فيه اللي حابب واللي راكب
واللي بيزعق واللي ساكت
نتجمع نشرب الشاي
والحق عرفنا بنجيبه إزاي
خليت العالم يسمعوا
والجيران يتجمعوا

[اللازمة]
ياه يا الميدان، كنت فين من زمان

[المقطع الخامس: أمير عيد وعايدة الأيوبي]
فكرتنا هي قوتنا
وسلاحنا في وحدتنا
ميدان بيقول الحق
بيقول للظالم دايماً لأ
ميدان زي الموجة
ناس راكبة وناس مشدودة
وناس برة بيقولوا دي هوجة
والأعمال مكتوبة

[اللازمة]
ياه يا الميدان، كنت فين من زمان