YABA LEH? - يابا ليه؟

[المقدمة: عايدة الأيوبي ومروان موسى]
إن كنت غالي
(آه، آه، آه، آه، آه)

[المقطع الأول]
عجب، آه، مصلحة وراحت الطيابة
عجب، آه، قولّي ليه؟ ليه يابا؟
تصَرُفات من إزاز ومش قابلة للنقاش
لما ردّيت ع السؤال ودّيت ودّيت في إستفاضة
مسافة الواقع من الخيال، فكَّرتني ما أفتكرهاش
جوة مرايتي شيطان قوِّلني كلمة ما قُلتهاش
كذا مشكلة في دماغِك
‫‫DND ولا رسالة
طب كنتو كلِّمتوني، كنا كمِّلناها
يابا، مين فينا كان عليه الدور؟
يابا، أنا لسه بجري ورا النور
ليه؟ ليه؟ ليه؟ ليه؟
سنين مش راضي أقول ليه؟
ستين كابوس كل ليل، تصحى مش عارف إنتَ فين
أنا مجروح، شُفت الصورة بوضوح
خَدت الدرس مشروح، إنقذوني، أنا بتوه
سينا بحر وسما، فكَّروني مين أنا
فوق، فوق، دي لحظة قلق، آه، إيدي فوق للسما
أرجوك سيبلي علامة، طلَّعني من الحالة
قالّك النفوس نوعين: شبعانة ومحتاجة

[اللازمة]
يابا، يابا ليه؟ يابا، يابا قولّي ليه؟
يابا قولّي ليه؟ يابا، يابا قولّي ليه؟

[المقطع الثاني]
ليه بنخاف؟ ليه بنموت؟ ليه بنتطفي أكننا نجوم؟
وأنا إللي بأعلى صوت كاتم جوة نفسي بحر دموع
سَندة من الإخوات، أنا ما لقيتهاش
‫‫آسف، ده إللي صار، Solo في المشوار
طب وإللي كان؟ طب وإللي راح؟
مخي فاضي، فيش أفكار
في الفضاء، في البراح
أنا في خناقة، جوايا صراع
بحاول أخلى من الفساد
مشروع ذاتي في الإصلاح
صحاب في أجازة إتَّاخدوا غياب
وأنا قاعد بعد الإنصراف

[الجسر]
آه، بيني وبينه، آه
بنتوه بين عبارات
ما سمِعنيش، طب على الله
‫‫Cancel، فات الميعاد
مع الريح كله طار
مشيت مسيرة الأحزان
طب إمتى الوقت للإنبساط؟

[المقطع الثالث]
الحب في عُنُق الزجاجة
عيون صادقة، كدابة
لو كان بإيدي كان زماني بتعافى
ولو كان بإيدها كان زمانّا ع الشاشة
قُلتيلي كام مرة بتبعديني بالملل؟
آه، آه، إنقذوني، أنا بتوه
آه، آه، روح بقلبك، لو هتروح
مالك ولا نسيت؟ كنت في أسرع مدة بتتغيَّر
مع ذلك ع المدى البعيد كانت نفس الخطة الأصلية
مناورات بين النجوم
مَلِت عقلك بالسموم
بلاش تتكلم يا مجنون
كانش فيه داعي ولا لزوم
وده كان إيه؟ دَكَن إزاي؟ كنا شورة خير
‫‫قدامنا كذا لفة في Carousel
قدامنا كذا يوم وكذا ليل
إحنا بنتفائل بس بنتفاجئ من المشوار
وبناخد الدوا لأجل إن ما ننهار
الهم في بالي جابلي صداع
والتفكير في المشاكل ما يصلَّحهاش

[الجسر]
آه، يابا ليه؟ يابا ليه؟
كل ليل بندوَّر ليه؟
آه لا، لا، بنحلل ليه؟
كله مسحول في ألغاز

[المقطع الرابع]
رنة جَت بالغلط، ما بَجيش غير بالطلب
حلَّقت ع المتغرَّب وإصطادته بالصنارة
يابا قولّي ليه؟ بيحبوا الكُره ليه؟
قولّي قلوبهم فين؟ بيحبوا الكُره ليه؟
يابا، يابا، لسه تاني يابا
هتشوف حلالي يابا، والله بدوَّر يابا
شوفها، أشوفها فين؟
لما القرش يخُش الجيب
شوفها، أشوفها إزاي؟
من بعد ما خَدنا العين
بنضلِّم، ضلِّم الإضاءة
بنحب نعلِّي الطاقة
أنا وحبيبي عِشنا مع بعض الإثارة
بس كله راح سراب
الفضى جِه في أوقات فراغ
عِشنا فترة مخدرات
فصلنا العواميد من الخرسان
ومية عتاب ع إللي ما شافوناش
إحنا بنتعلِّم من إللي فات
بلاش نتكلِّم في إللي راح
بلاش نفتَّح في الأحزان

[اللازمة]
يابا، يابا ليه؟ قولّي يابا، يابا ليه؟
يابا، يابا ليه؟ قولّي يابا، يابا ليه؟

[المقطع الخامس]
‫‫كل دي ذكريات
‫‫حاجات مالهاش لازمة في الدماغ (في الدماغ)
(قلم جاف) تدّيك ع الوش قلم جاف
تسأل سؤال مالهوش إجابة
أوه، لسه بتوه
معمي والعمر مسروق
كنتش حاببني مسؤول
بس عمري ما نطّيت السور

[اللازمة]
يابا، يابا ليه؟ قولّي يابا، يابا ليه؟
يابا، يابا ليه؟ يابا، يابا ليه؟

[الخاتمة: مروان موسى وعايدة الأيوبي]
آه
إن كنت غالي-غالي