Ya Zmily Ma Balash Ttqarmt - يا زميلي ما بلاش تتقرمط
Mostafa El Gen - مصطفى الجن & Mody Amin - مودي أمين
Download "Ya Zmily Ma Balash Ttqarmt - يا زميلي ما بلاش تتقرمط"
Ya Zmily Ma Balash Ttqarmt - يا زميلي ما بلاش تتقرمط by Mostafa El Gen - مصطفى الجن (Ft. Mody Amin - مودي أمين)
Release Date
Performed by
Mostafa El Gen - مصطفى الجنMody Amin - مودي أمينProduced by
Amgad El Joker - أمجد الجوكرWrited by
Mostafa El Gen - مصطفى الجنYa Zmily Ma Balash Ttqarmt - يا زميلي ما بلاش تتقرمط Lyrics
[المقدمة: مودي أمين ومصطفى الجن]
خمسين في المية بحبك
والخمسين التانية بفكر
أصلك قلبك بحالات
بيجيله ساعات وقت ويتأخر
عدم التقدير بقى واجب
طالما بالحب معاكو مش عاجب
وما دام بتنكروا خيرنا
يبقى شوفولكو ناس غيرنا
الجديد إن هيبقى فيها تحديد
ياو، أمجد الچوكر
[اللازمة: مودي أمين]
يا زميلي ما بلاش تتقرمط
ع اللي إتمرمط ع الأسفلت
لو ع الأفعال من يومي سندال
بس أنا ما بقولش عملت
ما تكرتليش وإنت على ما فيش
كان إمتى شربت وكلت؟
هتبندهالي هديك العالي
مش هسرق منك كارت
[المقطع الأول: مصطفى الجن]
خزنتي على خصمي مفضيها
حضرلي كتيبة قمتله بيها
معظم أيامي مقضيها
جوة الزنزانة بطولي
مش فارقة معايا مين يحاربني
أنا هندب في اللي هيندبني
في لعيبة في الملعب تلاعبني؟
لو ليكو الشوق تعالولي
[اللازمة: مودي أمين]
جدعنتي جابتلي الحبس
لبست كلبش ما حدش لبسه
جرى إيه يا سجان؟ قالي الجدعان
يا رجولة اللي بيتحبسوا
صحابي الكارفين عاملين ملايين
بيدكنوا وبيتخابثوا
ده أنا بقى على كده سندال
في زمن أندال ناسه بيتباكسوا
[المقطع الثاني: مصطفى الجن]
مين شاف ملحنا؟ مين شاف عيشنا؟
دول كانوا جنبنا واقفين شيشنا
إحنا دراعنا اللي معيشنا
رزقنا مش على مخلوق
وقت المصلحة يدونا رنة
مش حبًا فينا ولا عشاننا
والله كاشحينكم يا إخواننا
كلها لكلامنا تفوق
[اللازمة: مودي أمين]
سبحان الله، الوحشين
كلهم إتجمعوا مع بعضيهم
حكمة ربنا يبعدوا عننا
أصلنا لأ مش زيهم
والله قلينا أوي من نفسنا
لما قعدنا في وسطيهم
نستاهل، دول جرابيع
وإحنا اللي عملنا في يوم قيمة ليهم
[المقطع الثالث: مصطفى الجن]
قدرنا اللي ما يتقدرشي
كبرنا اللي ما يتكبرشي
شرفنا في ناس ما تشرفشي
كانوا بيعاملونا ملياسي
عِشرة مين بس يا عمنا؟
يابا دول بتاكلهم مننا
بيموتوا لو يتقال إسمنا
دول فيهم الحقد أساسي
[اللازمة: مودي أمين]
راشقين عينكم في حياتي
لحد بجد ما دمرتوها
ده أنا قلت عليكم إخواتي
ليه بس عليا إستكترتوها؟
دمعتي بكتمها ليلاتي
مش هسمحلكو أبدًا تشوفوها
ده إنتو بتتمنوا مماتي
أصلكو في وجودي ممنوع تعيشوها
[المقطع الرابع: مصطفى الجن]
أنا حلفتكو باللي عليكو
إبعدوا عني وخفوا عينيكو
أنا عمري ما بصيت في إيديكو
ليه عينيكو على اللي معايا؟
أنا مش ملياردير يا جماعة
فككو من الكارتير والساعة
كل اللي إتقال دغري إشاعة
ده هموم الكون جوايا
[اللازمة: مودي أمين]
القرش اللي بيتكلم
خلي الحب ده للحبيبة
فرتك كام باكو يا معلم
وإنت تلاقي حواليك شنيبة
بفلوسك كله يبوسك
ويمرهملك ويطبلك
ما معكش الناس هتدوسك
حتى الهلاهيل مش هتحلك
[المقطع الخامس: مصطفى الجن]
طول ما ما حدش إيده في جيبنا
نعمل يا زميلي اللي عاجبنا
الناس دغري في حالنا تسيبنا
والدنيا هتبقى تمام
بالحب إحنا بناخد صيتنا
ملايين عاشقانا برة جيهتنا
كلها بالجدعنة عرفتنا
خربش على أي كلام
[اللازمة: مودي أمين]
خمسين في المية بحبك
والخمسين التانية بفكر
أصلك قلبك بحالات
بيجيله ساعات وقت ويتأخر
مش واقفة الدنيا عليكي
ربنا يهديكي ويصلح حالك
هتغوري تتشاطي في ستوري
فوقي، مش أنا الشاب اللي في بالك
[المقطع السادس: مصطفى الجن]
حبك مرحلة وأنا عديتها
أيامك من بدري نسيتها
كلمة "I love you" أنا لغيتها
حلك من المحن شوية
I miss you وبيبي وبطايتي
قلتهم إتشافت واحد نايتي
لأ، فوقي، ده أنا على الله حكايتي
أنا مش شايفاكي عينيا
[الخاتمة: مصطفى الجن]
الترعة ما حدش يعاديها
ممنوع في المجنونة ترميها
أحمد بزو ده شبح الجيهة
حاضر غايب في القلب
أنا أخويا ع الدغري رجولة كاملة
لو تتحداه تسف الرملة
ده كريم اللمبي بطوله حملة
إركن يا خروف على جنب
ركز علشان مش هعيد تاني
ما تجيش على سكته لا تعاني
ده محمد صبري الفكهاني
يا زميلي على خط الموت
خالد زغلول مين حددله؟
مش ده اللي تفكر تكرتله
كشاف على وشكو تتعدلوا
ما أسمعش لأمكو صوت
عفريت ومزاول أشكالكو
فوقوا من ناحيته لا يزعلكو
ده سمير الجن قايلهالكو
على سكته يوم ما تجوش
عبده الأصفر قد الدنيا
وعماد بزو ده ياض حاجة تانية
الباشا سليم ده العسلية
المجنونة أرض وحوش
Ya Zmily Ma Balash Ttqarmt - يا زميلي ما بلاش تتقرمط Q&A
Who wrote Ya Zmily Ma Balash Ttqarmt - يا زميلي ما بلاش تتقرمط's ?
Ya Zmily Ma Balash Ttqarmt - يا زميلي ما بلاش تتقرمط was written by Mostafa El Gen - مصطفى الجن.
Who produced Ya Zmily Ma Balash Ttqarmt - يا زميلي ما بلاش تتقرمط's ?
Ya Zmily Ma Balash Ttqarmt - يا زميلي ما بلاش تتقرمط was produced by Amgad El Joker - أمجد الجوكر.
When did Mostafa El Gen - مصطفى الجن release Ya Zmily Ma Balash Ttqarmt - يا زميلي ما بلاش تتقرمط?
Mostafa El Gen - مصطفى الجن released Ya Zmily Ma Balash Ttqarmt - يا زميلي ما بلاش تتقرمط on Thu Oct 13 2022.