Ya Donia - يا دنيا

[اللازمة]
إيه، أنا ولا عارف أنا مالي ولا إيه اللي جرالي، بس أنا ما بقتش بنام
كنت أنا جي أكتب أغنية شقية، بس ما لقتش كلام
كنا بنجري زمان علشان الدنيا دي ما كانتش أمان
وأما قالولي ما تقعد حبة، قلتلهم ما أقعدش، سلام
أنا مش هينفع أخسر، في ناس عايزة تشوفني جعان
وفي كل ليلة أنا بسهر، ما بقتش بفرق الأيام
والجسم مظبوط متحضر، بس نفسيًا عيان
وسايبها على المولى، بكرة هنكبر نبقى تمام

[المقطع]
حاسس الأوكرة معصلجة، بس قشطة أنا جي أطفش
في نص البحر ومن غير مركب، مش بعوم بضبش
شفت جنية وسحرتني، بس لأ أنا لأ ما أتخضش
بعملها بكيفي ووقت ما أعوز، مش عافية ولأ ما أتحطش
في حوار، إنجز ولاغيني
في زرار، أدوسه ينسيني
أسرار، إوعي تحبيني
محتار، أغلبكم صيني
مخنوق، مش قادر أتكلم
هتروق، لسه هنتعلم
هنروح، والروح هتبلم
هنقوم، نركب ونتلت
آه، إنتي عايزة مني إيه يا دنيا؟
إنتي قافشة مني ليه يا دنيا؟
إنتي فاكرة نفسك إيه يا دنيا، يا دنيا

[اللازمة]
إيه، أنا ولا عارف أنا مالي ولا إيه اللي جرالي، بس أنا ما بقتش بنام
كنت أنا جي أكتب أغنية شقية، بس ما لقتش كلام
كنا بنجري زمان علشان الدنيا دي ما كانتش أمان
وأما قالولي ما تقعد حبة، قلتلهم ما أقعدش، سلام
أنا مش هينفع أخسر، في ناس عايزة تشوفني جعان
وفي كل ليلة أنا بسهر، ما بقتش بفرق الأيام
والجسم مظبوط متحضر، بس نفسيًا عيان
وسايبها على المولى، بكرة هنكبر نبقى تمام