WWF

[intro]
Ich mues keis Billet ha für oii Show
Känne s’Resultat sowieso
Ich mues keis Billet ha für oii Show
Känne s’Resultat

[verse 1]
Huus voll mit Fuessvolk, d’Helde vom Abig im Ring bereit
Gong seit Rundi eis, (fight), ihr chlopfed oi windelweich
Ellboge flüügt, Showtime, ihr gönned oi nüt, Clothesline
Masse Extase, jetz no de Sprung ab em dritte Seil

Plastikstuehl säglet uf Schädel, alles erlaubt wenn ihr oi begägned
Wer weiss ob ihr Säck de Clash überläbed, ihr sind doch scho älteri Gegner
D’Mähne hät besseri Täg gse, hüt nuno strähnigi Fäde, Gsichter us Läder
Aber halb so wild hinter Konfetti Kanone und Kunstiis Nebel

Alles Routiine, Shakehands nach em letzte Akt
Zrugg id Kabine, Schulterchlopfer, es wird glacht
En Abig vo villne, nume d’Sieger wächsled sich ab
Oie Wanderzirkus morn ide nächste Stadt

[Chorus]
Ich mues keis Billet ha für oii Show
Känne s’Resultat sowieso
Ich mues keis Billet ha für oii Show
Känne s’Resultat vorher scho

Schalt de TV ab bi oire show
Zieh de Stecker bi oiem Sport
Kei Bock uf grossi Geste grossi Wort
So agnehm ruhig ohni Strom

[verse 2]
Ihr wennd de Gürtel, ihr wennd de Titel
D’Show oies Mittel, aber eis isch sicher
Wenn ich WWF will luegi Hogan
Gege Hitman oder Rick Flair

Ihr händ vieles gmeinsam, Witzfigure mit Schissfrisure
Aber ich cha lache bi Hulk, während ihr sorged für miesi Luune
Ihr sind Schausteller, gönd a d’Chilbi, gründed e Schüssbude
Und stepped nöd id Arena und mached uf Chliibuure

Eues Schwingfest Kulisse, ihr stönd ide Tracht am Set
Eidgenössischs Theater, für de wo de Chranz ha wett
Ihr mached uf Sagmehl, für en Platz ufem Staatsparkett
Oi gahts nöd um de Muni, ihr wännd as Staatsbankett

[Chorus]
Ich mues keis Billet ha für oii Show
Känne s’Resultat sowieso
Ich mues keis Billet ha für oii Show
Känne s’Resultat vorher scho

Schalt de TV ab bi oire show
Zieh de Stecker bi oiem Sport
Kei Bock uf grossi Geste grossi Wort
So agnehm ruhig ohni Strom

[outro]
Ich mues keis Billet ha für oii Show
Ich mues keis Billet ha für oii Show
Ich mues keis Billet ha für oii Show
Ich mues keis Billet ha für oii Show