What Do U Know? - تعرف إيه؟

[المقدمة]
هي الساعة كام؟ مش مهم
هو أنا بقالي قد إيه مانمتش؟ مش مهم
المهم إن أنا كنت هقول حاجة

[المقطع الأول]
الأشباح بتطاردني، لسه بتعاقبني بشدة
بذكريات في الحلم، زي جثث بتعترضلي السكة
ماسلمتش منها، بتجيبلي القديم والجديد يتخلطوا
ويبنوا سد طويل وعريض، تجاوزه بالتقريب مستحيل
بقالي سنتين، بنسى أنا في سنة إيه
ما الوقت مش هيفرق أصلًا، أبص في الساعة ليه؟
لما الماضي يزورني في حلمي أكيد دي مش غاية خير
بس مش هفوق من الكابوس إلا أما أعرف أخره معايا فين (قول)
ماعنديش مشكلة إني أتبهدل من الزمن
بس مش مستني من المرتاح يقولي إستحمل الألم
إنتَ بتشرب تنسى، في حالتي المُكيفات مش بتداوي
‫‫مُكيفاتك مجرد مهدئات بالنسبالي (Talk to 'em)
‫‫جالي اليأس وقت المسا، قال "يا دين أمي، ماشوفتش حد إتبهدل كده
إزاي مكمل هنا؟
شوف يا صاحبي المفروض إني أصارحك
‫‫يومًا ما هتموت، ما أختصرهالك وتموت إنهارده"

[فاصل]
فكر يعني، الحوار مش هياخد ثانية"
فـ فكر، إنتَ هترتاح
يعني الطلقة إللي في بتيجي في الراس، مش بهزر والله إللي بتيجي في الراس ‫‫بتبقى أصيع، بجد
‫‫خلي بالك أنا مش بقدم الـ Offer ده كل يوم
هيفوت عليك، بلاش
خايف صح؟ إنتَ خايف
‫‫طيب أنا هسيبك بتاع تلاتين ثانية تفكر"

[المقطع الثاني]
تعرف إيه عن عذاب الضمير لما يواجهك؟
وسنين من الخنقة
وإن أيامك شبه بعض زي كدبة إبريل وإبتسامتك
تعرف إيه عن إنه يكون فيك شر وإنتَ بتخفي ده؟
وهما فاكرينك خايف منهم، وإنتَ خايف تإذي حد
كلاب هايجة بيسعروا وأنا كاسر عين الكلب
فـ خليت ولاد الكلب في حضوري دايمًا يخرسوا
الكلام ده عايزك تحفظه، إنتَ ماتعرفنيش
إنتَ يا دوب تعرف عني اللي أنا سايبك تعرفه
اليأس بيزيد بس فيه شيء في دمي
‫‫بيقولي "تقدر تكمل، ده وقت وهتعدي بيه"
ده اللي باقي، أما إنتو أوسخ الأمثلة بتتضرب بيكو
الشيء ده مابيخذلنيش في وقت ما بتصدم فيكو
بس اليأس جاء بالرد، أما رمالي سلاح ع الأرض
‫‫بصلي وضحك ضحكة شماتة وقالي "ها فكرت؟"
بإحباط مسكت السلاح اللي كان مافهوش إلا طلقة
‫‫قولتله "أسف بس مش أنا الشخص اللي هيموت النهارده"
‫‫(باع) *طلق ناري*