Wesh El Donia - وش الدنيا

‫[كلمات أغنية "وش الدنيا"]

[المقطع الأول]
وبنجبر روحنا نروح للخوف
علشان أوقات بنحب نخاف
في سباق لهروبنا من المكتوب
بس المكتوب لازم يتشاف
نفضل عكس التيار ماشيين
وبنقنع روحنا إننا عايشين
فاكرين الجاي زي إمبارح
فاكرين الدنيا بلون شفاف
كاتبين برصاص هنعيش على طول
وأتاري الموت مكتوب بالجاف
كاتبين برصاص هنعيش على طول
وأتاري الموت مكتوب بالجاف

[اللازمة]
وإياك تلوم
حد جاي يغرقك علشان يعوم
أول ما ريحة الخوف تفوح
الروح مافيش بعديها روح
قلبك قصاد الموت حجر
مالهوش لزوم
وإياك تلوم
حد جاي يغرقك علشان يعوم
أول ما ريحة الخوف تفوح
الروح مافيش بعديها روح
قلبك قصاد الموت حجر
مالهوش لزوم

[المقطع الثاني]
لو عوزت بجد تشوف الناس
لازم قلبك يبقاله عيون
العين أكتر مخلوق كداب
والعالم كل شوية بلون
إحنا وشوش على وش الدنيا
في ورا الحكايات حكايات تانية
وقصاد لحظة يا نعيش يا نموت
هتشوف موسى بيطلع فرعون
وإللي إنت مأمنه لو إتخير
بينك وما بينه أكيد هيخون
وإللي إنت مأمنه لو إتخير
بينك وما بينه أكيد هيخون

[اللازمة]
وإياك تلوم
حد جاي يغرقك علشان يعوم
أول ما ريحة الخوف تفوح
الروح مافيش بعديها روح
قلبك قصاد الموت حجر
مالهوش لزوم
وإياك تلوم
حد جاي يغرقك علشان يعوم
أول ما ريحة الخوف تفوح
الروح مافيش بعديها روح
قلبك قصاد الموت حجر
مالهوش لزوم