Wefteker - وافتكر

[المقطع الأول]
وإفتكر ليه إبتديت
ليه جريت وليه عانيت
ليه مشيت من بيت لبيت
شايل الحلم في خيالك
(إفتكر، إفتكر)
وإفتكر حجم الخسارة
والإشارة والأمارة
إفتكر رمي الحجارة
واللي نجاك من المهالك
وإفتكر طعم المرار
والوجع والإنكسار
وإنحرافك ع المسار
وإن قلبك لسه سالك

[قبل اللازمة]
وإفتكر طول الطريق
وإن ليك طول في الغريق
وإن نورك له بريق
والدليل اللي إترمى لك
وإفتكر مين كان معاك
واللي في السكة رماك
اللي جرحك وإشتكاك
واللي لما إحتجته جري جالك

[اللازمة]
وإفتكر زوغان عينيك
وأما بكيوا عينيك عليك
وإنت لسه القوة فيك
وإن ربك وحده شالك
وإفتكر إنك مكسَّر
لكن إنت مش مقصَّر
تشتكي وربك ييسَّر
فاله يغلب برضه فالك

[المقطع الثاني]
وإفتكر، جرحك معلم
وإن قلبك مش مسلم
ماشي في الأحلام تلملم
بس مش واقف مكانك
(إفتكر، إفتكر)
وإفتكر علشان تكمِّل
أي آخر كان له أوِّل
والطريق مهما يطوِّل
جاي وقتك، جاي أوانك
وإفتكر لو كنت ناسي
ياما عدِّت بيك مآسي
وإنت في الملعب أساسي
عُمر نَفَسك يوم ما خانك

[قبل اللازمة]
وإفتكر طول الطريق
وإن ليك طول في الغريق
وإن نورك له بريق
والدليل اللي إترمى لك
وإفتكر مين كان معاك
واللي في السكة رماك
اللي جرحك وإشتكاك
واللي لما إحتجته جري جالك

[اللازمة]
وإفتكر زوغان عينيك
وأما بكيوا عينيك عليك
وإنت لسه القوة فيك
وإن ربك وحده شالك
وإفتكر إنك مكسَّر
لكن إنت مش مقصَّر
تشتكي وربك ييسَّر
فاله يغلب برضه فالك