Wache Uf

[PART 1]
Jede Tag go bügle macht mi geng wie meh kapput
Gseh müedi Ouge i dem Spiegu - jede Morge nur no Frust
I mah nid ufstah - i würd viu lieber losgah
Mini Ziu verfolge und mis aute Lebe loslah

Mis Lache wieder finge imne nöie frömde Land
Stige ufe die grösste Berge - stürz ir Nacht mit Frömde ab
Nomau einisch Droge neh - bezwinge mini Angst
Vermisse aui mini Fründе dasmau nid nur fürne Nacht

Endlech verstandе werde - eine vo viele
U nid eine unger viele wo sech öppis vorspile
Wo sech irede das sech d Weut ohni si nid dreit
Dr Weg usem Glashuus wär e Steiwurf entfernt

I wär endlech frei - es Lache aus Lohn
Im Herze dr Rebel - i de Ouge lüchtet dr Troum
So wine Freigeist - uf dr suechi nach meh
Jede Tag uf Chnöi lebe - wäri ds Letzte womer fäut

[PRE Chorus]
Doch i blibe stah - gfange im System
Ke Platz für Tröim ke Platz für mi
I blibe stah - gfange im System
Aues hautet mi uf i gseh ke Liebi meh

[HOOK]
I mah nümm - I wött nümme blibe stah
Briche us us mim Läbe
Sueche öppis womi glücklech macht

I ha aues hie scho gseh
So viu Hass i ihrne Ouge
U si wei no immer meh - immer meh

I ha aues hie so satt
Wenn wachi uf us dem Troum womi nümme glücklech macht
I mah nümm - I mah nümm
Hie und jetzt ufzgäh isch dr grösser Gwinn

[PART 2]
I ha Immer scho chle meh gseh i de chline Sache
Dr Chopf no geng vouer Ideene woni chönti apacke
I bi immer scho e Tröimer gsi - Herz über Geud
Mitem Troum vore Vision vore besser Weut

Mini Lehrer hei geng denkt - i vertröime no mis Lebe
Doch hüt tröimi vomne Lebe wosi Tröimer lah la lebe
Ih mi nid mues schäme weni mini Fingernägu färbe
Mi nid mues hingerfrage weni säge wasi dänke

Wiu loufi dür die Strasse gsehni wenigi wo echt si
I gseh nur Kreise wo aegge uf ke Fau erloubt isch
Jede wott so si - houtpsach nid sech seuber si
Authentizität es Wort wo langsam würklech frömd wird

Doch i sege mr jede Tag - es isch guet eso
I tröim sit Jahre geng vom Gliche - bi am Bügle für de Troum
I verändere die Weut - eines Tages wirdi stouz
Jede Zile isch e Schritt - jede Part e chli Erfoug

[PRE Chorus]
U i renne los - briche us usem System
Ke Platz für Tröim - ke Platz für mi
I renne los - briche us usem System
Nüt me hautet mi uf i bi frei

[HOOK]
I mah nümm - I wött nümme blibe stah
Briche us us mim Läbe
Sueche öppis womi glücklech macht

I ha aues hie scho gseh
So viu Hass i ihrne Ouge
U si wei no immer meh - immer meh

I ha aues hie so satt
Wenn wachi uf us dem Troum womi nümme glücklech macht
I mah nümm - I mah nümm
Hie und jetzt ufzgäh isch dr grösser Gwinn