Wa7ed Ma7toot Tashkeel W El Tany Ma3roof Bo3bo3 Dayreto - واحد محطوط تشكيل والتاني معروف بعبع دايرته

[المقدمة: هادي الصغير ومصطفى الجن]
في جيهتنا اللي ما يرشدش الناس بتتف عليه وبتعايره
اللي إتشال تحت بلاطة أنا مشتري بيه شوكولاتة
صاحبك لو حس إنك عديته سيكا بس يبلغ عنك
والنبي ما تقولي ولاء، دي ولاء عند أم ولاء
دولسي، دولسي برودكشن

[اللازمة: مصطفى الجن وهادي الصغير]
واحد محطوط تشكيل والتاني معروف بعبع دايرته
إحنا اللي جيلنا في يوم على سكة بنلعب بيه نهلفته
إتنين بيسوقوا بلدين، إحنا توينز بترعب دخلته
خصمنا يسمع إسمنا يعرف إننا جينا نموته

[المقطع الأول: مصطفى الجن]
لأ، لأ، كله إلا إبن الجيهة، سميها زي ما تسميها
العين اللي على زميلي تترفع أنا هكسرها وهعميها
يابا مش ماشية أنا وهو، محسوب ع الدُغري أنا هو
رجلي أنا على رجله وأموت من أجله، معاكم برة وجوة

[اللازمة: هادي الصغير]
كلها في الصيت نفسها، جرابيع هتموت وأعمل ليها قيمة
وأنا قلت وياما قلتها، أنا مش جاي في تلقيح وشتيمة
شكلك كده ليك الهوى وشوية هوا ع الموت زقينك
ده أنا أصغر عيل في المنطقة لو سبته عليك هيهينك

[المقطع الثاني: مصطفى الجن]
بولاق الدكرور منطقتي، بُصّوا، منورة في بطاقتي
وحش المجنونة محمد صبري، الفاكهة بيفعل وقتي
خط أحمر يعني معادي، إكرف على كله إلا دي
عبد الله برغش مش ناسيينه، والله فراقه مش عادي

[اللازمة: هادي الصغير]
من إمتى الدنيا مع الجدعان يا إخواننا بتيجي في العدل؟
في زماننا يابا الفهمان والله على نفسه إتحسر، زعل
ملعون أبو أم المال، خلّى شوية جرابيع سايقاها
الهلافيت جاية في كدب وصيت، جايبالي بُقها في قفاها

[المقطع الثالث: مصطفى الجن]
اللي إتشال تحت بلاطة أنا مشتري بيه شوكولاتة
والنبي ما تزيط، بطّل تكريت، هتعيش على مين يا عباطة؟
اللي إنت عايز تعمله أنا من بدري مبطّله
ما تفوق كده، صحصح للندى، من الصبح بقولك ألو
(ألو، ألو)

[اللازمة: هادي الصغير]
في جيهتنا اللي ما يرشدش الناس بتتف عليه وبتعايره
في اللي بيرشد علشان غدار واللي عشان كيفه سجايره
اللي يزعلك إن الضربة ما بتيجيش غير من الناس منك
صاحبك لو حس إنك عديته سيكا بس يبلغ عنك

[المقطع الرابع: مصطفى الجن]
والنبي ما تقولي ولاء، دي ولاء عند أم ولاء
من الواضح إن ما فيش مخلوق واضح، يابا دايرة نفاق
ما تقولش في حد أساسي، ده بيرشد وده ملياسي
خد مني نصيحة، لو مش هتفوق هتلاقي خازوق عباسي

[اللازمة: هادي الصغير]
معروف مين سيرته تمام وكمان معروف مين يابا بيخيب
أنا بشتري راجل وإنت بتشتري بواريك على دباديب
يا زميلي بقى عيب على سنك، ده إنت كبير، خليك فهمان
أفعالك قلة منك، ما إنتاش محسوب ع الجدعان

[المقطع الخامس: مصطفى الجن]
اللي إنت بيها بتكرتلي ما شافتش معاك وشافتلي
لو كانت ناسياني زي ما بتقول ما كانتش في ناس بعتتلي
شافت صاحبتي زغرتلي، طرفاوي على طول بصِّتلي
كوباية جابت كوباية، هوبا، الزرزرة حضرت، حنِّتلي

[الخاتمة: مصطفى الجن]
بولاق الدكرور دي الدولة، بتجيب أبطال وعتاولة
الفاكهة محمد صبري كاتم على نفس الناس العولة
برغش ده في رحلة وراجع، مدة وراح يمسك شارع
عبد الله حاضر غايب، كله عليه برجولة يابا سامع
الوحش من البساتين، اللو بيشغله ياض مين؟
المافيا هلال بابا يا أشبال، متخطر ع الخطرين