Twa Corbies

[Verse 1]
As I was walking o'er the lane
I heard twa corbies making mane
And t'ane unto the t'other did say-O
"Where shall we gang and dine the day-O
Where shall we gang and dine the day?"

[Verse 2]
"In behind yon auld fail dyke
I wot there lies a new-slain knight
And naebody kens that he lies there-O
But his hawk and his hound and his lady fair-O
His hawk and his hound and his lady fair

[Verse 3]
"His hound is tae the hunting gane
His hawk tae fetch the wildfowl hame
His lady's ta'en another mate-O
So we may make our dinner sweet-O
We may make our dinner sweet

[Verse 4]
"Ye'll sit on his white hause-bane
And I'll bite out his bonny blue eyen
Wi' mony a lock of his golden hair-O
We'll theek our nest when it grows bare-O
Theek our nest when it grows bare

[Verse 5]
"Mony a one for him lies slain
But nane shall ken where he is gane
For his white bones, when they are bare-O
The wind shall blow forevermare-O
The wind shall blow forevermare."