Torna a Surriento

[Testo di "Torna a Surriento"]

[Strofa 1]
Vide 'o mare quant'è bello!
Spira tantu sentimento
Comme tu: a chi tiene mente
Ca scetato 'o faje sunnà
Guarda, guà, chistu ciardino!
Siente, siè, 'sti sciure 'arancio!
'Nu prufumo accussì fino
Dint' 'o core se ne va
E tu dice: "Io parto, addio!"
T'alluntane da 'stu core
Da 'sta terra de ll'ammore
Tiene 'o core 'e nun turnà?
Ma nun mme lassà
Nun darme 'stu turmiento!
Torna a Surriento
Famme campà!

[Strofa 2]
Vide 'o mare de Surriento!
Che tesore tene 'nfunno!
Chi ha girato tutt' 'o munno
Nun ll'ha visto comm'a ccà!
Guarda attuorno, 'sti sirene
Ca te guardano 'ncantate
E te vonno tantu bbene
Te vulessero vasà!
E tu dice: "Io parto, addio!"
T'alluntane da 'stu core
Da 'sta terra de ll'ammore
Tiene 'o core 'e nun turnà?
Ma nun mme lassà
Nun darme 'stu turmiento!
Torna a Surriento
Famme campà!