Tohfa

[Hook]
Life a gift isse na destroy kar
Har pal ko jee har moment enjoy kar
Dukho ko left Khushi ko right swipe kar
Haalat jo bhi har pal ko super like kar

[Verse 1]
Khola tehkhana chalo khushiyaan hi baatne
Road pe mod bohot dikhe dukh sabke haath mein
Samet ke sab ek hasi ka uphaar de
Haath gaye badh par kami dua ki sansaar mein

Zinda dilli se zamana jeele zindagani
Zindagi lambi na badi ho aise hi bitaani
Jo roke jharoke hawa sa udd jao
Aazmaan ke khud chuh aasman hoja tu ruhaani

Sawaal samaaj ke sab band kar sandook mein
Sawaar le sapne sach mein mile sukoon hai
Jo shaq ho khud pe dekh panchiyo ko ghoor ke
Wo udte uncha honge gire shuru mein

Kar aagaz agar magar nahi, bus aaj
Sab hai khaas, wo chupa hua hai kahi taj
Khud pe naaz, khuda chala rha tere saath
Laga khushiyon ko gale jannat ki puri ho ye talaash

[Bridge]
Talaash khud ki poori honi hai khudme
Dhunde bhaar wo baithi tujhme chupke
Ruk pal ek baat karle khudse
Mulaqaat wo rooh se lagega adhbhut ye

[Verse 2]
Bazaar bhavo ka ,bhav badha muskaan ka
Sab uljhe khudi mein, ghav laga abhimaan ka
Gul gul hai gulshan se, khali guldaan ha
Chal seechne chale bnale naya baagan yahaa

Khile wo chehre aur khil uthe ye dharti
Khoon sab ka laal, ye rang to bus vardi
Khrodh ko tyaag, na rakh dil mein itni sardi
Tujhe chuna insaan, wo bhi thi khuda ki marzi

Vardaan hai maan rakh jeele tu ek har pal
Armaan hai poore hote kar tu arpan
Jaan hai jab tak ladna hat ti adchan
Darna kise se jab sabhi hai saksham

Gaadi na sona na, kharid thoda sukh le
Chale kyu seena taan, mill le thoda jhuk ke
Haalaton se na haar, drid rakhna rukh ye
Ban jaa misaal, bus tu hasmukh reh

[Bridge]
Talaash khud ki poori honi hia khudme
Dhunde bhaar wo baithi tujhme chupke
Ruk pal ek baat karle khudse
Mulaqaat wo rooh se lagega adhbhut ye

[Pre-Hook]
Gum sum tu chup chup kyu pyaare
Deke duniya ke nazare
Tim tim ye chamke sitare
Dukh ko chhod aa muskurale

[Hook]
Life a gift isse na destroy kar
Har pal ko jee har moment enjoy kar
Dukho ko left Khushi ko right swipe kar
Haalat jo bhi har pal ko super like kar