Teta - تيتا

دفا كبير ف بيت جميل ياما عشنا فيه وفرحنا
نقشة الكحك ف يوم العيد وحكاية بألف رحله
خد الفلوس دي واتبسط وهاتلك حاجه حلوه
مكنتش عارف ان كل ده هفتكروا فغنوه
انا لسه فاكر عايز تاكل ايه بكره ماتقول وتحلم
اعز من الولد ولد الولد وانت اول ضحكه
وادينا بعدنا
جه وقت المحنه
مفضلش غير الصورة بينا واحلام بتعذبنا
واصحى وافتكر كل يوم اني مش هشوفك
مش هتقوليلي انت فين يا ندل مش بزورك
مش هتيجي تعيش معايا تاني وهتعد لوحدك
حبيبي ربي يروق بالك وانا موجوده هساعدك
وكبرت جمبك ونسيت انك انتِ بتكبري
تعبتي جامد شيلتي هم كل واحد تقدري
كان نفسي تشوفي عيالي لما يجوا وتفضلي
بس اكيد انتِ فالجنه فوق هتوصلي
قاعده عالسطح فوق وصور كل حاجه لماما
متنساش تاخد ليها كل حاجه في الطيارة
متنساش يبني تعيش العيشة ف مصر مش بطاله
كلملي اخواتك وحشني كانت آخر عباره
متنساش تاخد كل حاجه لما تيجي تسافر
واديني فضلت قاعد وانتِ الي مشيتي في الآخر
راضي بالحال بس الفراق ده صعب و كنت فاكر
إن في وقت كبير ما بينا لسه وهنتقابل
انتي فين مبترديش
متغيبيش
البيت ف غيابك ضلمه
ماسك فيكي متمشيش
انا لسه فاكر كل ملامحك فيه متسيبيش
يا تيتا هدعيلك في كل ليله وطول ماعيش