Tesmahi - تسمحي

[المقطع الأول]
تسمحي لي يامّه من وقتك شوية؟
أنسى جنبك حِمل شايله تقيل عليا
وزي عادتك تسمعيني
لو بكيت إستحمليني
يامّه زادت قسوة الأيام عليا
يامّه زادت قسوة الأيام عليا

[المقطع الثاني]
كل يوم بقى يشبه اليوم اللي عدّى
كلمتين مش مفهومين على دمعة شاردة
حتى لون الدنيا باهت
والمعاني في قلبي تاهت
خوفي لتطوّل علينا الشِّدة ديّه
خوفي لتطوّل علينا الشِّدة ديّه

[المقطع الثالث]
ما دريتيش يامّه اللي حاصل وإنتي غايبة؟
حالنا مال بعدك خلاص الدنيا سايبه
شوفتي حتى إبن اللئيمة
والله بان وبقالُه قيمة
الجبان لقى فرصة يتشطّر عليّا
الجبان لقى فرصة يتشطّر عليّا

[المقطع الرابع]
قبل ما أمشي بأسألِك مش عايزة حاجة؟
لسه برضه ساكتة مش هتقولي حاجة؟
بُكرة هتقومي بالسلامة
يا اللي شيلتي الهمّ ياما
ترجعيلنا يامّه زي زمان بهيّة
ترجعيلنا يامّه زي زمان بهيّة
آه ترجعيلنا يامّه زي زمان بهيّة