Terra e acqua

[Testo di "Terra e acqua"]

[Strofa 1]
Tera e aqua, aqua e tera
Da putini che da grandi
"Siora tera, ai so comandi
Siora aqua, bonasera
Bonasera"

[Strofa 2]
Tera e aqua, tera nuda
Gnente piante, gnente ombrìa
'Sta fadiga mai finìa
La comanda che se sua
Che se sua

[Strofa 3]
Tera e aqua, a la matina
Se scomissia de bonora
De bonora
Tera e aqua, se lavora
Soto un sole che cusina
Che cusina

[Strofa 4]
Tera e aqua, a mezogiorno
'Sto paneto che se magna
No gh'è aqua che lo bagna
E ghè aqua tuto intorno
Tuto intorno

[Strofa 5]
Tera e aqua, co vien sera
Tuti intorno, dona e fioi
A una tecia de fasioi
Se ghe fa un bona siera
Bona siera

[Strofa 6]
Tera e aqua, po a la note
Se se buta sora el leto
E se sogna, par dispeto
Aqua e tera, piene e rote
Piene e rote

[Strofa 7]
Sempre aqua e sempre tera
Da putini che da grandi
"Siora tera, ai so comandi..."
Po se crepa e bonasera
Bonasera