Tarantino - تارانتينو

[اللازمة: أمير عيد]
ماليش أنا في الكلام الإستفزازي
‫هدخل فيكوا براسي زي الـ Kamikaze
بكتب التاريخ على كيفي وبإحساسي
‫زي Quentin Tarantino هعلم على كل نازي

[المقطع الأول: أمير عيد]
بكرة أنا هموت لكن هفضل موجود
بعد الصمت والسكوت إسمعوا صدى الصوت
أجيال جاية من بعدي تستلم مني وتفوت
هيبان في الآخر مين الراكب والمركوب
في ناس زي الدود مكانهم تحت الأرض
أنا لسه فوق، إستنوا لما أموت
كلوا فيا ودوقوا طعم الصمود
عمري هيفوت وكلامي هيفضل مكتوب
ما أنا مش ضلمة، أنا ضي
أنا مش صوت، أنا حي
‫عزيز النفس، مافيش نقص، الدماغ فيها Depth
بص وراك، بقلبلك في النور، بديك كلاكس
أحط عليك لو إنتَ راكب فيراري وأنا راكب تاكس
عمر الفلوس ما تعمل رجال، بالعكس

[اللازمة: أمير عيد]
ماليش أنا في الكلام الإستفزازي
‫هدخل فيكوا براسي زي الـ Kamikaze
بكتب التاريخ على كيفي وبإحساسي
‫زي Quentin Tarantino هعلم على كل نازي

[المقطع الثاني: مروان بابلو]
في السما عالي
صعب تكون مكاني
ما جاتش بالساهل
مافيش حاجة مجاني
محتاج أفكركوا العين ع الحاجب ما تعلاشي
حابب تتحداني؟ رصاصة في راسك ما تغلاشي ياه
قطعت الشك بالسيف
ما عرفتش أبقى بوشين
في الغلط عمري ما كابرت
مع الغبي عمري ما جادلت
كنت على وضعي ومازلت
خسارة فيكوا التوبيخ
ماليش في شغل التلقيح
كراستي قاعدة صواريخ
إنتوا إعملوا في أغاني
سيبوني أنا أعمل في تاريخ
مافيش مقارنة بينا، أشقك لو جي في طريقي
هيجي يوم ونموتوا فيه وهيبان مين كان حقيقي
قصدي
فالصو بيدوب، عمرك ما هتشوفوا في إيدي
قصدي
نسر في ساماكوا، العظمة بتجري في وريدي

[اللازمة: أمير عيد]
ماليش أنا في الكلام الإستفزازي
‫هدخل فيكوا براسي زي الـ Kamikaze
بكتب التاريخ على كيفي وبإحساسي
‫زي Quentin Tarantino هعلم على كل نازي

[المقطع الثالث: أمير عيد]
مسير الفلوس تروح ويروحوا كتير معاها
مسير النفوس تبان ويبان اللي جواها
مسير الشمس تطلع ونجمك يتطفي
نجوم الأمس راحوا وكله بيختفي
مسير الفالصو يصدي لو لمعه الزمن
زمن جديد هيجي ومالكش فيه تمن
مسير المجد يغلب الزمن الكداب
عقارب الساعة بتلدع وسمها فتاك