Таптала суох (Without love)

[Текст песни «Таптала суох» ft. Ponsash]

[Куплет 1: FiESTA]
Мин олуһун да кэтэһэр этим
Эйигин кытары мэлдьи аттыгар буолуохпун
Мин олуһун да эрэнэр этим
Тапталбыт кыракый ыра санаатын толоруохпун
Ол эрэн билигин мин соҕотохпун
Миигинниин эн эмиэ суоххун
Өйдүүбүн ол үрүҥ күн санаам түспүтүн
Дьолбун ылбыт сайын бүтэһик түүнүн
Умнуом дуо маҥнайгы хаар түһүүтүн
Көмүс күһүннүүн тапталым сүппүтүн
Бүтэһик көрбүт түгэнтэн саҕалаан
Сүүсчэ күн кэллэ тэҥҥэ хардыылаан
Билигин оргууй илиигин ылан
Нарыҥ уоһун сылааһар ууллуохпун
Тапталгар куустаран дьоллонуохпун
Кэллэ бу күн эйигинэ суох

[Припев: Ponsash]
Эн төһө да кэмсин миигин билбиккин
Төһө да кэлэй көрсүбүккүн
Ол эрэн умнума бэйэбин аныырбын
Эн тускар олоро сатыырбын
Эн төһө да кэмсин миигин билбиккин
Төһө да кэлэй көрсүбүккүн
Ол эрэн умнума бэйэбин аныырбын
Эн тускар олоро сатыырбын

[Куплет 2: FiESTA]
Бу олох суолтата суох этэ
Арай эн мичээриҥ уратытык көстүбүтэ
Олоҕу атыннык көрөргө, бу сиргэ истинник таптыырга үөрэппитэ
Өрүс кытылыгар сүүрүк устарыгар
Кини көстөн ааһарга дылы гынар
Тыал элбэҕи санатан суугунуур кулгаахпар бу сипсийэр курдуккун
Кэннибиттэн кэлэн сэрэнэн кууһуоҥ диэн кэтэһэр
Эрэнэр курдукпун, төһө да дьылҕабыт араардыный
Саатар кыратык да, эн көстөн ааһыый
Ол кэннэ туох да буоллун
Миигинниин булбатах дьолгун аны атынныын буллуҥ
Кинилиин уһун олоҕу олоруоҥ
Мин сүтүөҕүм түүн эйигинэ суох

[Припев: Ponsash]
Эн төһө да кэмсин миигин билбиккин
Төһө да кэлэй көрсүбүккүн
Ол эрэн умнума бэйэбин аныырбын
Эн тускар олоро сатыырбын
Бүтэһик хаалбыт эрэлбин сүтэрэммин
Өлбүт чуумпуга аймана хаалыам
Бүтэһик күннэрбин хараҥаҕа атааран
Эйигинэ суох, таптала да суох