Talga Barra El Freezar - تلجة برة الفريزر

[المقطع الأول]
بزهق من الكرسي فبكلم الترابيزة
ساعات بحس إني تلجة برة الفريزر
شكراً على أي موقف خلى القلم شخر
ما يشغلش المطر شوية ورق شجر
ما بيفيدش نفسه، إزاي يفيدنا؟
بلاش نقوله كدا لا يتضايق منا
لابد من وجود شيء يعني
يقومه الصبح، ينزله من البيت يعني

[قبل اللازمة]
شكراً شكراً شكراً شكراً شكراً
كلمتكوا بجد، كلمتوني بسكر
صعّبتوا عليا إمبارح، سهلتولي بكرة
وصلتوني للجنون وخدت منكو أجرة

[اللازمة]
ساعات بنسى أنا مين
بنسى أنا مين
وبفتكر إني دكتور محتاج عيانين
بنسى أنا مين
أنا بنسى أنا مين
وبفتكر إني دكتور محتاج عيانين

[المقطع الثاني]
بالعافية مقتنع إني رابر إسمي يوسف
Exclusive حبي وكرهي لنفسي بس
بسلم على الإكتئاب، أقوله تشرب إيه
مش بعرف أعمل قهوة بجد، تشرب نسكافيه؟
لو على الڤيو عندي الشاشة بالجناين
أحلامك اللي بجد مش جايالك وإنت نايم
بل تجتهد، بعد ما المشاركة إنتهت
سايق خيالي من غير حاجة، فبركب ملك
طول طريقك للوصول ضريبة
المجاملة علمتك ما تديش ردود صريحة

[قبل اللازمة]
شكراً شكراً شكراً شكراً شكراً
كلمتكوا بجد، كلمتوني بسكر
صعّبتوا عليا إمبارح، سهلتولي بكرة
وصلتوني للجنون وخدت منكو أجرة

[اللازمة]
ساعات بنسى أنا مين
بنسى أنا مين
وبفتكر إني دكتور محتاج عيانين
بنسى أنا مين
أنا بنسى أنا مين
وبفتكر إني دكتور محتاج عيانين
بنسى أنا مين
أنا بنسى أنا مين
وبفتكر إني دكتور محتاج عيانين