Tala - تالا

[اللازمة]
جبنالا للحلوة هدية وحلمنا بعيدا
ونطرنا مجيتها وهيّ تدلل وتزيدا
جبنالا للحلوة هدية وحلمنا بعيدا
ونطرنا مجيتها وهيّ تدلل وتزيدا
قمنا سمّيناها تالا وحاكيناها
وإسوارة دهب وعدناها تلبسها بإيدا

[المقطع الأول]
شو لون عيونا
وكيف شكل جفونا
مش همّ
المهمّ تكون حِركة وشقيّة
بكرة بتتبدّل
وشعرا بيتجدّل
مش همّ
المهمّ تضلّ تضحك يوميّة
تحكي بالعربي وبالعربي تكتب أشعار
تغنّي لستّا ولجدّا وع بيّا تغار
وتغمر إمّا بحنّيّة وتغفا ع إيدا

[اللازمة]
جبنالا للحلوة هدية وحلمنا بعيدا
ونطرنا مجيتها وهيّ تدلل وتزيدا
قمنا سمّيناها تالا وحاكيناها
وإسوارة دهب وعدناها تلبسها بإيدا

[المقطع الثاني]
ياما رح توعا
تبكي من جوعا
مش همّ
المهمّ تضلّ تنوّر ليالينا
يمكن رح نتعب
والعمر رح يعصب
مش همّ
ياما من سنين عملنا بأهالينا
شو رح منحبّا وبحبّا نرسم أحلام
وع دقّة قلبا وع صوتا نغفّي الإيّام
ونغنّي معها غنّيّة ويوميّة منعيدا، آه

[اللازمة]
جبنالا للحلوة هدية وحلمنا بعيدا
ونطرنا مجيتها وهيّ تدلل وتزيدا
قمنا سمّيناها تالا وحاكيناها
وإسوارة دهب وعدناها تلبسها بإيدا
وإسوارة دهب وعدناها تلبسها بإيدا
وإسوارة دهب وعدناها تلبسها بإيدا