Tabak Al Yawm طبق اليوم

رشّلّي سكّر فوق القطر
أو ريش على الوسادة
أو حب لتنين ما حبّو بعضن بل بلعتهن العادة
رشّلّي كلام من اللي بيفيّق أمراضي
رشّلّي صيدليات بتبيع حبوب ما بتداوي و وصفات سعادة

رشّلّي مي على موتور المي اللي أكل براسي حلاوة
أخدني عالبحر رجعت ناشف
حاج لفّ و دوران رشّلّي زاوية
رشّلّي سالب على شرف إيجابية العالم الكذاب
قال عاملين حفلة تضامن
طب رشّلّي أجانب

رشّلّي شوية استقلالية لشغّل الرّوس خفر سواحل
رشّلّي شوية لاجئين اختاروا الخيم لأنو ما طاقو المنازل
Highرشّلّي تفاؤل لما تكون فوق و مبسوط و
شي يوم رح القطقك انت و نازل

و هادا
Loop يوم عال
Loop يوم عال
Loop يوم عال
عالتشات مع الحياة بتبعتلي بعصات ببعتلها قلوب

Loop يوم عال
Loop يوم عال
Loop يوم عال
عالتشات مع الحياة بتبعتلي بعصات ببعتلها قلوب

Loop يوم عال
Loop يوم عال
Loop يوم عال
عالتشات مع الحياة بتبعتلي بعصات ببعتلها قلوب
ببعتلها قلوب

و إنا من على منبرنا المتواضع هذا منوجّه تحية
لجميع العرصات اللي ما آمنوا فيني
لجميع الناس اللي كانو السبب بوصولي لهون
لجميع الأشخاص اللي ضلو سنين يقنعوني أنو الموسيقى ما بتطعمي خبز
طب ليكني عم باكل

إنا لو فلسن ننلن نسمح لكم
و لن تمرّوا
و سنرفع بعبوصاً ثلاثيّ الأبعاد و التأثير
لجميع من سيقف في طريقنا
و إنّا نقدّم لكم ملاهي 12 تراك صوتي مسار حارق خارق متفجر
مسيل للدموع مقاوم للصدأ و النش مكفول
و السلام عليكمكم و رحمة الله تعالى و بركاته
هذا هو الدرويش
نعود إليكم من جديد
نتمنى لكم سفراً آمناً و هبوطاً موفّقاً