Susanna ab improbis senibus

Susanna ab improbis senibus obsessam se videns
Qui forma ejus capti eam, nisi sibi obsequeretur
Adulterii se accusaturos minitabantur, ingenuit et ait:
Angustiae mihi sunt undique. Si enim hoc egero, mors mihi est
Si autem non egero, non effugiam manus vestras, sed melius est mihi
Absque opere incidere in manus vestras, quam peccare in conspectu Domini
Postquam autem falso eorum testimonio damnata est
Cum innocentiae suaе paratum sibi supplicium videret
Exclamavit et dixit:
Dеus aeterne, qui absconditorum es cognitor
Tu scis quoniam falsum testimonium tulerunt contra me
Et ecce morior cum nihil horum fecerim
Quae isti malitiose composuerunt adversum me
Exaudivit autem Dominus vocem ejus
Et salvatus est sanguis innoxius in die illa