SULO (TONIGHT)

[Testo di "SULO (TONIGHT)"]

[Intro]
(Sorry, oh, sorry)

[Strofa 1]
È bastato nu sguardo sultanto e sî scesa dâ machina
'Doppo ca pe mezz'ora hê sparato veleno 'int'ô traffico
Comme t'aggi''a parlà? Comme t'aggi''a piglià? Nun 'o saccio cchiù
Quantu male me fa ca oramaje chella llà nun sî cchiù tu, ehi
Me cumpare sempe e sulo quando è notte, yeah-yeah
Quando oramaje già stongo 'a fore e me vuò sfottere, yeah
Te prometto ca nun dico maje cchiù na bucia si me faje capì ancora

[Pre-Ritornello]
Fosse nato a Paris, te dicesse: "Mon amour"
O, si fosse na stella, i' cadesse mo addò staje tu
Fosse stata sincera, nun m'avisse ditto: "Adiós"
Mo è vacante 'sta casa, tu ire l'ordine 'int'a 'stu caos

[Ritornello]
Cu'tté vulesse í a Tokyo, 'a coppa ê foto fa paura
Vulesse fà tutt''e cose ca sunnavamo 'a creature
Però mo te ne vaje, te piglie 'e cose toje
Putesse fà nu guaio, stanotte i' resto sulo
Sulo, sulo, sulo, sulo
Sbatto 'a capa dint'ô muro
Sulo, sulo, sulo, sulo
Chiagno comm'a nu creaturo
Sulo, sulo, sulo, sulo
Sto bevenno Cheval Blanc sulo pe me scurdà 'e te tonight

[Strofa 2]
Mo te ne vaje, staje alluccanno ca nn'te 'mporta cchiù 'e me
I' resto ccà tanto oramaje nn'tenimmo niente 'a vedé
Nun saje quanto fa male quando 'o bbene nn'se pò avé
Quando n'ato sta abbraccianno chi durmeva a ffianco a te
Te chiammo ancora pe sentí 'a vocia toja
E passo ancora sott'â casa toja
Nun tornano chelli notte passate a parlà p'ore sane a telefono
Te cantasse ancora

[Ritornello]
Cu'tté vulesse í a Tokyo, 'a coppa ê foto fa paura
Vulesse fà tutt''e cose ca sunnavamo 'a creature
Però mo te ne vaje, te piglie 'e cose toje
Putesse fà nu guaio, stanotte i' resto sulo
Sulo, sulo, sulo, sulo
Sbatto 'a capa dint'ô muro
Sulo, sulo, sulo, sulo
Chiagno comm'a nu creaturo
Sulo, sulo, sulo, sulo
Sto bevenno Cheval Blanc sulo pe me scurdà 'e te tonight