Su lang die Leechter noch brenne

[Refrain]
Sulang beim Lommi die Leechter noch brenne
Sulang 'ne Funk weiß, wie Stippefott jeiht
Sulang dä Pitter noch schleiht,
Der Speimanes noch speit
Jo, sulang stirv dä Kölsche nit us

Mer süht et en der Zeidung
Mer hürt et op der Stroß:
"Do leeven Jott, et Engk es noh
De Kölsche stirve us."
Kein Bloskapell un och kein Flitsch
Mer han dä Brasel jroß
Statt Ostermann un Millowitsch
Hürt mer jetz "Atemlos"

Doch et nit nor en Sproch
Et es nit nor Zohus
En Levvensaat, die stirv su schnell nit us

[Refrain]
Sulang beim Lommi die Leechter noch brenne
Sulang 'ne Funk weiß, wie Stippefott jeiht
Sulang dä Pitter noch schleiht
Der Speimanes noch speit
Jo, sulang stirv dä Kölsche nit us

Mer hürt se nor noch selde
Uns Muttersproch es weg
Un süht och immer winniger
De Weetschaff op d'r Eck
Doch et jitt en noch, dä ahle Mann
Dä jet zo verzälle hät
D´röm hald de Schnüss un hür ens zo
Un zeig im jet Respek

Denn et nit nor en Sproch
Et es nit nor Zohus
En Levvensaat, die stirv su schnell nit us

[Bridge]
Sulang beim Lommi die Leechter noch brenne
Sulang 'ne Funk weiß, wie Stippefott jeiht
Sulang dä Pitter noch schleiht
Der Speimanes noch speit
Jo, sulang stirv dä Kölsche nit us
Un et bliev, bliev, bliev hee, wie et wor
Denn mer sing, sing, singe och em nächste Johr
Jo, et bliev, bliev, bliev hee, wie et wor
Denn mer singe och em nächste Johr

[Refrain 3x]
Sulang beim Lommi die Leechter noch brenne
Sulang 'ne Funk weiß, wie Stippefott jeiht
Sulang dä Pitter noch schleiht
Der Speimanes noch speit
Jo, sulang stirv dä Kölsche nit us

Jo, sulang stirv dä Kölsche nit us
Jo, sulang stirv dä Kölsche nit us