Strategie als Hyäne

Mir schribe nur zum lehre logisch dänke
Uf dä Wäge wo mir sueche, au Spure am verschwinde
Dä Troscht wo mir erkämpfe, chasch nid schänke
Üsi Kultur bout Bombe mit was i dr Truur sich findet
Si säge: dir rappet über Strasse u Gwaut
Obwou ds nie öpper säuber erläbt het
Dir säget üs: dr Markt regli aues
Obwou ds nie öpper säuber erläbt het
Dr Punkt isch, dass mir nid spile
D Sunne het uf üs nid gschune
Hei üs geng me identifiziere chönnе mit dä Villains
Ha oft dr Verdacht, dass Gott mi hasst
Ha o oft dr Verdacht, dass Gott mi liebt
Drum gani nid id Chilе
U lehre mine Chind ä Grundhautig
Ds einzige Vermöge wo mir hei isch Durchhaute
U trotzdäm: wehr di, trotzdäm: freu di
Wüu wenn no 3 Nächt bis Morn, wärdes gli nur no 2 si
Jung Verce – ke Verwändig für Gable
Geburt wird dir gschänkt, für dis Ändi musch zahle
D Veränderig im Chline het sich erhänkt amene Kabu
Wüu Gagu uf dr Goldwaag blibt Gagu
Di hässleche Lunge vo mim Pere düe mi Blick uf
Di einzig verlässleche Wunder gö vo dir us
Gott, Staat, Gäud: aui Gwinner schütte Sinn us
Üsi Finger krüzt, üsi Stimm seit: vo mir us
Üse Priis isch i Sarg gheit
Si ändlech worde, wovor d Väter üs gwarnt hei
Bruefsberater hei Termine nur ir Nacht frei
Droge, Nutte, Gwaut: Arbeit isch Arbeit
D Täsche frässe Gäud, spucke Büecher us
Doch gäg di Banker gse di Nutte nur wi Üebe us
Warum si mi so füehle? i sta früecher uf
U flättere dr Fuchs im Morgegraue usem Hüehnerhuus
Jedi Site woni bletter’ isch ä Millimeter ufe
Amne Spinnenetz-Fade usem Gagu zu dä Trube
Aues isch naiv, wo s Bizli nach Believe tönt
Ds literwiise Schiitere isch gliich schön
I miesch’ pro Wuche 1 Caran-d’Ache-Chugi-Box
Dr Rubu rout, wüui herter schaffe aus di Tuble, doch
Mi soziau Ufstig isch nur Barrabas’ Judetrotz
Figg ufne Gott, mir erwarte aues vo dä Cops
D Händ unsichtbar, doch gheie düre Flöige-Tescht
Im Geiernäscht fiiret ds Kapitau s Freudefescht
Dr Klassekampf bruucht si Atem füre Neusprech
Iz si d Hyäne zrügg: säg üs wend ä Löi kennsch
O dr Simba wird zertrampet vo dä Gnus
Füre Scar la witerläbe, si mir viu zu lang id Schuel
Au s vous Muu, aues angere chame kläre
U d Glasdecki isch nur s Problem wäg dä Schärbe
S isch ä Troscht wini dänke
U ei Rat wotti dir schänke:
Egau was Zalando dir vorchätscht
Rot steit jedem, wo vo Lohn läbt