Sou2 Ekhtiar - سوء إختيار

[المقطع الأول]
خلصت خلاص
ما فيش فرصة جديدة ولا في كلام تاني
ده حبك ياما غرقني وآذاني
في غفلة قلبي كان تايه وفوقته
رجعت لعقلي بفراقنا اللي جه وقته

[اللازمة]
وإعتبر ما كانش حاجة بينا
وإن عمرنا يوم ما إتقابلنا
من اللي عملته جبت خلاص آخرنا
ما تحاولش تطلب السماح
ما تحاولش، مالوش لازمة وكفاية
حبك صفحة كتبت لها النهاية
آه ما بقتش خلاص تفرق معايا
والله بقى يعوضني على اللي راح

[المقطع الثاني]
مات الإحساس
ولو ع اللي ما بينا زمان أنا نسيته
سوء إختيار ودفعت تمنه ووفيته
خدت القرار، ما بقاش بينا نصيب يجمع
وفات الوقت، مهما تقول لي ولا ينفع

[اللازمة]
وإعتبر ما كانش حاجة بينا
وإن عمرنا يوم ما إتقابلنا
من اللي عملته جبت خلاص آخرنا
ما تحاولش تطلب السماح
ما تحاولش، مالوش لازمة وكفاية
حبك صفحة كتبت لها النهاية
آه ما بقتش خلاص تفرق معايا
والله بقى يعوضني على اللي راح