So2 Tafahom - سوء تفاهم

[المقطع الأول]
كان ما بينا سوء تفاهم خدله أكتر من يومين
كان ما حدش فينا فاهم هو مين غلطان في مين
كله شاف التاني ظالم وإحنا الإتنين مظلومين
من يوميها الوقت واقف كل ليلة مافيش جديد
إنشغلت عليها عارف حالها لما بكون بعيد
تحت بيتها رحت واقف بس أشوفها من بعيد
نور أوضيتها لاقيته والع زي ما توقعت صاحية
صمت سايد واللي طالع صوت أغاني حزينة هادية
خدت وقت كتير متابع بإهتمام وفضلت سامع
اللي عاوزة تقوله ليا إبتدا يوجعني قلبي
إبتدت تصعب عليا قد إيه غلطت نفسي
جبت كل اللوم عليا
كل ده اللي أنا عامله فيها
شكلي فعلاً جيت عليها
جاتني إمتى القسوة ديا

[المقطع الثاني]
إفتكرت ودار في بالي ألف حاجة حلوة ليها
شيء بديهي ولا إرادي إتصلت بسرعة بيها
كلمة واحدة قالتها راضي رحت ضاحك ومراضيها
إرتحت لما سمعت صوتها راحة كنت مش لاقيها
وفي غيابها وبعدي عنها حاجة واحدة طلعنا بيها
غلطة وإتعلمنا منها خدنا أصعب درس فيها
غلطة وإتعلمنا منها خدنا أصعب درس فيها