Sky

მერე რა მოხდა თუ უცხო თვალი
ჩვენი უცნაურ სეირით მთვრალი
ბაგეს გადასცემს დამცინავ ღიმილს
და იმ ღიმილის უხეში ქიმი
გაგვივლის გულში...

მაგრამ ამ სიტყვას ახლა
იაფი სცენის სურნელი ახლავს
რაც არც უხდება და არც სჭირდება
ამიტომ, ალბათ, გამიჭირდება
მისი წარმოთქმა, მაგრამ გახსოვდეს
მაგრამ გჯეროდეს, რომ არასოდეს
არ დავივიწყებ შენს ხმას და სახელს
ათიათასი ტკივილის მნახველს

და გზა რომელიც გაიყო ორად
და უკვე იქცა ცოდვად და ჭორად
იყოს დღეგრძელი, რომ შენი წილი
თავისი ღორღით, მტვრითა და ჩრდილით
ტანჯვის გზად იქცეს და უცხო თვალი
ყრმის თუ მოხუცის, კაცის თუ ქალის
გხედავდეს მხოლოდ ამ გზაზე მავალს
რადგან დღეიდან მე შენი ხმა ვარ

რა მოხდა, თუკი ვეღარ შევხვდებით
ამ ქვეყნად რაც კი ხდება შემთხვევით
მარადიული ის არის მხოლოდ
და ასეთია ყოველთვის ბოლო
ნამდვილი გრძნობის, განცდის და ვნების
და მეც ამ დიდი კანონის ნებით
მ ი ყ ვ ა რ ხ ა რ !