Shokran Begad Le Kol Had Waga3ny - شكرا بجد لكل حد وجعني

[المقدمة: عصام صاصا وكيمو الديب]
لو تسألوني مين اللي خانوني واللي باعوني، هرد أقول
خلاك يا قلبي عايش يا قلبي وحيد معايا، مالناش حبيب
شكرًا بجد لكل حد وجعني
أصل الوجع علمني
الجرح علم فيا، على طول بنام زعلان
كيمو الديب

[المقطع الأول: عصام صاصا وكيمو الديب]
آه من الآلام، ما بقتش أنام، أنا مش تمام، أنا فيا إيه؟
على طول حزين واللي يشوف شكلي لازم يزعل عليه
عمري ما بشكي ولا عارف أحكي، أنا بس ببكي كده في سكات
‫جابوا الطبيب يعالجني قال "إزاي هعالج شخص مات؟"

[اللازمة: عصام صاصا وكيمو الديب]
أنا شاب شكله بقى أكبر من سنه
موجوع من اللي منه
وحبايبه مش بيحنوا وكله جاي عليه
والدنيا واخدة مني كل حد بحبه
أنا اللي عاشها لوحده
ووجعه جوة في قلبه وبحور دموع في عينيه

[المقطع الثاني: عصام صاصا وكيمو الديب]
لو تسألوني مين اللي خانوني واللي باعوني، هرد أقول
اللي أنا كنت بحبهم وكنت معاهم على طول
ساقوني مر، شربت مر والعمر مر، ما هو النصيب
خلاك يا قلبي عايش يا قلبي وحيد معايا، مالناش حبيب

[اللازمة: عصام صاصا وكيمو الديب]
شكرًا بجد لكل حد وجعني
أصل الوجع علمني
خلاني أفهم إني ما أديش لحد أمان
لو أعيش لوحدي أحسن ما أعيش في قاسية
مع ناس بتيجي عليا
الجرح علم فيا، على طول بنام زعلان

[المقطع الثالث: عصام صاصا وكيمو الديب]
‫يا صاحبي قولي، هو إنت لما ضحكتلي وقلت "حبيبي"
كان قصدك أنا؟ ولا إنت قصدك إنك يا صاحبي بتحب جيبي؟
عينك معايا، ماشية ورايا واللي في إيدي بتموت عليه
حتى الطبق اللي قلبته هو اللي كلت معايا فيه

[اللازمة: عصام صاصا وكيمو الديب]
صاحبت نفسي، أصل الصحاب أندال
خط الخيانة شغال
كلمة "أخويا" تتقال إزاي بخيانة؟
كلها ماشية بمبدأ الغشومية
مش ماشية بالأخوية
بقى آخرها الصحوبية نومة في زنزانة

[المقطع الرابع: عصام صاصا وكيمو الديب]
حبيبتي فوقي، ما تفكريش إني في بُعدك هعيش حزين
أنا بقولك إن إنتي حبك عادي يتنسي في يومين
أنا عمري ما أزعل ع اللي باعني، أنا اللي باعني لازم يتباع
‫فاتح باب الفراق بنفسي واللي يمشي بقوله "وداع"

[اللازمة: عصام صاصا وكيمو الديب]
‫رسالة للي سابني، بقوله "إنساني"
أما أمشي مش باجي تاني
‫وعشانك مش علشاني، ما تجيش تقولي "نرجع"
علشان هتسمعي كلام كتير يوجعك
خلي التاني ينفعك
هيجي يوم يجرحك وتصرخي، مش هسمع