She’s Fair and Fause

[Verse 1]
She's fair and fause that causes my smart
I lo'ed her meikle and lang;
She's broken her vow, she's broken my heart
And I may e'en gae hang
A coof cam in wi' routh o' gear
And I hae tint my dearest dear;
But Woman is but warld's gear
Sae let the bonie lass gang

[Verse 2]
Whae'er ye be that woman love
To this be never blind;
Nae ferlie 'tis tho' fickle she prove
A woman has't by kind
O Woman lovely, Woman fair!
An angel form's faun to thy sharе
'Twad been o'er meikle to gi'еn thee mair-
I mean an angel mind