Shabab Bakayta | شباب بكايتة

[المقطع الأول]
ولا إنت مش قد إنك تتلط
بلاش تعوجها وتيجي ع الخط
كلام على قد بس ما بيضربش
قلنا كتير فن، دول عايزين خبط
البابات ما بتهلفطش
اللي طلع مادة ما بيشربش
لو ع المودة ما تشرفش
قلة قيمة، الدايرة طفش
مديهم وش خشب ودي العادة
ما أنا قد العالم
أخدكوا جولة بس لو حمل حاجة
إنتوا مش حمل حاجة
النفاق في عينكوا باين، دايرة بكاسة
وياريت ليكوا عايزة
إنت ني خالص ومش كارك أساساً
معاكوا دايرة وساخة
إنت ليه بتجبربني دايماً إني أقل منك، كده هتفرح
لو حد سأل قول نسر خاطفنا
كله عندي بيتدعي العفة
وقت ما تجيلنا نقول يؤسفنا
مصدع خلقة، ما تجيش تقرفنا
بتيجي خام بس عادي بنقيفها
‫شباب تـ Smoke بس طرف يتلفها

[اللازمة]
شباب بكايتة بتتشكل
وأنا غدارتي تحب تشكشك
جالك العو المتمكن
لو شاكك أنا جاي عشان أؤكد
ما كالتش اللقطة فأنا هأكل
في حضوري الكبار هنا بتأجز
لو جاي متكتك ومرتب
مش همشيك مرضي، على رقبتي

[المقطع الثاني]
أنا كنت أبيع الدنيا لأجلك
بس إنت مش تمام وبتاكلك
العيش والملح خد مؤبد
والعشم نايم ع المخدة
هديك العشرة دول في خدك
مش ماما قالتلك مش مؤدب
بس إنت مصمم أبقى راكبك
وإنك تفلت مش مؤكد
هو أنا يا إبني أعرفك أساساً
كل حاجة تاخدها مقاسك
وتروح تعيط جنب ناسك
أكيد مش جاي آرازي بكاسة
باجي وأكتم النفس بقماشة
‫أنا في مقدرتي أطلع Data
ومدكن كل ده على فلاشة
ومدكن كل ده على فلاشة
(وه)
حملة بس مفرد
إنتوا كتير وعلى ما تفرج
فيها سنين على أما أشوفلك
جوة الحرب قتلنا خوفنا
ولا سمعنا حتى شكراً
ما عملتوش حساب لبكرة
وده سبب إني برجلي شوطتك
هتعدي الخط أكيد هشقك

[اللازمة]
شباب بكايتة بتتشكل
وأنا غدارتي تحب تشكشك
جالك العو المتمكن
لو شاكك أنا جاي عشان أؤكد
ما كالتش اللقطة فأنا هأكل
في حضوري الكبار هنا بتأجز
لو جاي متكتك ومرتب
مش همشيك مرضي، على رقبتي

[الخاتمة]
*صفير نسر*