Shaam

Shaam
[Verse: Gravity]
Pehla din shehar mai, anjaani si sadke hai
Inn sadko mai jaane kitne dil dhadke hai
Beete hue lamhe rahe hamesha yaad
Unn jaisa na bano jo beete lamho pe marte hai
Hawa ki shararat inn fizaon se hoti hai
Saalon ki tapasya ho toh kankad bhi moti hai
Duba hai yeh suraj aadha, kal ke liye taiyar
Aadha ab bhi hai beete waqt ka ghulam
Yeh shaam bhi ajeeb hai, kal aur aaj ke yeh bich hai
Thehra sa hai lamha, par waqt nahi nasib hai
Waqt hai chalta rehta, na palatta hai na rukta
Isliye manushya bhi hai iske aage jhukta
Adhmari si zindagi par tez hai samay ka chakra
Jaise yeh woh shabdkosh jo hai mera mukhya astra
Pratham hai iska sthaan, tum hamesha rakhna maan
Iska jaise yeh woh shaam, jab duniya thi sunsaan
[Hook]
Raat mai hai sapne par shaam mai haqiqat hai
Aadhi raat khauf aur din mai toh musibat hai
Yeh shaam hai kuch khaas, isme hai kuch baat
Dil pe iska raj, na janu kya hai raaz.(x2)
[Verse: Gravity]
Mere shabd jaise hai santo ki bhavishyavani
Shuddh jaise inn taalabo ka hai yeh adrishya paani
Jivit ho ya mrit ho praani, sabse mukhya hai yeh vaani
Satya hai yeh saaransh, manghadat nahi kahaani
Na karna jaldbaazi, kaam hota itminan se
Mehnat aur gyaan se, sadbuddhi aur dhyan se
Prem irshya ki bhavna toh kaafi aam hai
Din ho ya raat ho sabse shresht shaam hai
Kaise yeh log feeki zindagi ko jeete hai
Na kaam hai, na kaamm, sutro ko sunke jeete hai
Khudka pura dosh hai, kisi aur pe ilzam hai
Manav rupi kido ka toh bas yehi kaam hai
Mera naam Loose Gravity, shabdkosh zindagi
Prakriti parivar hai aur dost meri zindagi
Kitna hi bura ho waqt hasna maine sikha hai
Sach kahu toh dost yeh jeene ka tarika hai
[Hook]
Raat mai hai sapne par shaam mai haqiqat hai
Aadhi raat khauf aur din mai toh musibat hai
Yeh shaam hai kuch khaas, isme hai kuch baat
Dil pe iska raj, na janu kya hai raaz